Kaala 15:13 - mzwDBL

¹³ He nyina aa wola jaɡa dɔe nomanta, hɛɛ tɔ he nɛra haa lɛɛ ba la siee. Hɛɛ kpɔ he kpeɡrii dɛɛ nyiŋi ba nɛ, dɛ́ kpɔ ba kaa harɛ waa do ɡoroŋ ta.

Kaala 15:13 ပူးပေါင်းရင်းမြစ်များ

Mumpar 19:16

Dɛ waa too dɛ́ le warane, anomanta, ba lawɛ o ne o haah ne o bihaahna la nɔɔra, dɛ kpɔ ba le bwɛɛ la ta. Dɛkalkɛ Korowii na ba te sum.

2 Samoɛl 15:25

Belaa Kooro Devid ŋɔ sɔfo Sadɔk be ŋɔ, “Berɛ kpɔ Korowii Ne Nɛwɛnyina Fɔo Daka la kaa bwɛjen la ta. Dɛ Korowii sie lɛ n nɛ aa, wɛɛ berɔɔ kpɔ mɛ ba, dɛ́ ɡel n nao ne bela waa cheɡa bwa.

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Yela 106:9

He kɔr Mposwɛm asɛ o hweeh, asɛ he tɔ he nɛra sie ba valɛ harɛpɛɛ ta kɛŋɔ, pua hɛŋle ɡbo harɛ ta ken dɛ ɛɡɛ le o baŋ.

Yela 74:2

Lii he nɛra saŋ la haa lee ba cheɡ tɛ he te la wa, nɛra haa lɛɛ ba le fiiɡa baa dɛ fiɡ ba ta. Lii Saayɔn Bwejen he fa aa soɡe o ta la wa.

Yela 77:20

He tɔ he nɛra sie kɛŋɔ peteɡre ken, asɛ Mosis ne Arɔn chɔ ba nyoa.

Yela 78:35

Ba liiro kɛŋɔ Nemenɛ Korowiirii fa do kɛŋɔ Bwetal dɛɛ tɔ ba ɡbemɡbe, dɛ ɛ ba Lɛɛ.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Kaala 15:17

He kpɔ ba ka so he be bwe doa, bwe la doa waa ɛ he soŋnibɔr la, he ɡbaɡba Dea waa do ɡoroŋ he che he kpeɡri ta cheɡo la.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Aesaya 51:10

He laa ɡela mpo hweeh, ŋwɛnɛ chɔ bela waa luŋa, asɛ nɛra haa lɛɛ ba won le o baŋ la aa?

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Ɛfesos 2:4

Kɛ Korowii nyina waa dɛ nyin yaa kohona, ne suna o yon dɛɛ sune ya nɛɛ kɛrɛdɛ la nomanta,

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.