Kaala 14:28 - mzwDBL

²⁸ Nee la palɔ dɛ ba tɔ o laa tena la bwa nɛ. Kwaa aa do kɛŋɔ torɔɡo ne nɛra baa soɡe jaɡre ta dɛɛ ti Israel tena la bwa ka mpo la bini, beŋkpoŋ kwaraa ta kae.

Kaala 14:28 ပူးပေါင်းရင်းမြစ်များ

Mumpar 50:9

Baala baa soɡe kwaa aa do kɛŋɔ torɔɡo ba vɔwa pɛl jaɡre, ne nɛra baa soɡe jaɡre ta ɡe bwa jao dɛ teŋɛ la bɛl. Nɛnlaa tentenee laŋa.

Mumpar 7:18

Waa baa su kohona la, bobɛlbwa baa do luŋri asɛ daka la won dɛɛ valɛ nee sie.

2 Webena 20:24

Juda laa tena la baa tel bobɛl o sie aa chaɡɛ pua hɛŋle ɡbo harɛ la ta, asɛ dɛ ha sie nyiŋi, dɛ na kɛŋɔ laa tena damanta la bwa serewɔ chɔ. Beŋkpoŋ kwaraa ta kae.

Nehemia 9:11

He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Yela 106:22

Nyokpowaa haa ɛa Mposwɛm ta, ne ɔmewaa haa ɛa bela kan kohona.

Yela 136:15

Kɛ o ɡelɔ Ijipt kooro ne o dɔm ka nee ta. O nyina lole saŋ bɛlbwa dɛɛ la.

Yela 78:53

O tɔ ba sie dɛ nyiŋi ba nɛɛ kɛrɛdɛ ba ta ɔmɛ, kɛ ba dɔma la te, mpo bɔle ba nɛ, dɛ kpɔ ba kaa.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Kaala 15:10

Kɛ haa hweera kerabeŋkpoŋ ɡbo la, a ɡelɔ mpo nee bɔle banɛ. Ba sirimo kɛŋɔ kpana aa sirimi vil bini la ken.

Kaala 15:19

Gɛɛ a do Ijipt kooro kwaa aa do kɛŋɔ torɔɡo ba vɔwɛ dɛɛ pɛl jaɡre, ne baala baa soɡe jaɡre ta bwa jo mpo la bini, asɛ Korowii ɡel nee la ba bɔle ba nɛ. O ɡelɔ Israel tena la te valɛ harɛpɛɛ waa hola ta mpo la bini dɛ le.

Habakuk 3:13

He leɔ ba kɛŋɔ he ba lɛ he nɛra, ne nɛn haa leo o ɛ kooro. He chɔɡ harɛ baa dɛ ɛ wechɔɡa o ta nomoa, dɛ lɛ o kpeɡri bwa.

Mmarare 11:4

He na waa waa ɛ Ijipt laa tena ne ba jaɡre, ne kwaa aa do kɛ torɔɡo ba vɔwɛ dɛɛ pɛla la. Gɛ saŋ baa ti heyaa ka tel Mposwɛm la ta dɛ bwa ka nee ta kwaraa la,

Hibru 11:29

Korowiirii Israel tena yarada waa Mposwɛm la teŋe anɛ, ásɛ o nenabɔɔ sie hol kɛŋɔ harɛpɛɛ, ba won jo le. Ijipt tena aa ŋɔa ba ɡe le la, mpo la kaa ba ne.

Sitɔɔla 4:16

Kɛ Barak ti kwaa aa do kɛ torɔɡore la ne laa tena la ka tel Harɔsɛt Haɡoyim. Ba kpoo Sisera laa tena la bwa kere ne, beŋkpoŋ kwaraa ta kae.