Kaala 14:26 - mzwDBL

²⁶ Ate, Korowii ŋɔ Mosis be ŋɔ, “Tɛr daŋɡbala waa lɔ he nɔn ta la pa mpo la ta, ásɛ o palɛ tɔ Ijipt tena ne kwaa aa do kɛ torɔɡore dɛ nɛra baa soɡe jaɡre ta la bwa nɛ.”

Kaala 14:26 ပူးပေါင်းရင်းမြစ်များ

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Kaala 14:16

Tɛr he daŋɡbala la pa Mposwɛm la ta, ásɛ o bini pere Israel tena la won valɛ o bini le kɛŋɔ harɛpɛɛ ta.

Kaala 15:1

Belaa Mosis ne Israel tena la ɡo yel kpɛɛ Korowii ŋɔ, “Mɛɛ ɡo yelee kpɛɛ Korowii, dɛkalkɛ o lɛ sɔn kohona. O kpɔ jaɡre ne nɛra baa soɡe a ta bwa ka do mpo bini.

Kaala 15:4

Ijipt kooro kwaa baa vɔwa pɛl jaɡre ne o laa tena, o taɡɛ a bwa do mpo bini, Kooro nomonome tenten bwa sirimi mpo la bini.

Kaala 7:19

Korowii berɔ ŋɔ Mosis be ŋɔ, “Ŋɔ Arɔn be ó tɛr o daŋɡbala dɛ́ kpɔ pa Ijipt neerare bwa ta, nenabɔɔne ne taama dɛ buli bwa, ásɛ a berɛ chal. Chal ɛɛ perɛ harɛ la ta bobɛlbwaa. Hale komɛlbwa nee aa lɔ o bini bwa.”

Kaala 8:5

Korowii ɡelɔ Mosis ŋɔ Arɔn be ŋɔ, “Tɛr he daŋɡbala pa buli ne taama dɛ neerare ta, ásɛ sapone le ba su Ijipt harɛ bwa ta.”

Aesaya 11:16

Ŋwɛnɛjen ɛɛ chɔɔ tɛ o nɛra baa kaa, dɛ́ le Asiiria harɛ la ta, ɡɛ ŋwɛnɛ fa aa chɔa tɛ Israel tena ɡɛ saŋ baa le Ijipt harɛ ta dɛɛ kaa la.

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Matiu 8:27

A ɛ nɛra la bwa nyokpoa baa pɛɛ dɔŋa ŋɔ, “Nɛn besoo siwii nɔ, peu ne nehɛma ɛɛ no o wobol nɔɔ?”

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”