Kaala 14:25 - mzwDBL

²⁵ O ɡelɔ kwaa aa do kɛŋɔ torɔɡore la nakpale chɔɡ a tɛɡra do kpeɡri. Asɛ Ijipt tena la ŋɔ, “Hé ɡel ya ɡel Israel tena nɔ nɛɛ teŋa oo! Korowiirii cha ba dɛɛ yo yaa la.”

Kaala 14:25 ပူးပေါင်းရင်းမြစ်များ

2 Webena 20:29

Harɛ bɛlbwa nɛra no ɡɛ Korowii aa yo Israel tena dɔma tɛɛ ba la aa, dɛ ɔmee kohona laɡ ba.

Nehemia 4:14

N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

Nehemia 6:16

Ya dɔma aa no waa nɔ la, harɛre nɛra baa soɡa bar yaa la ɔmɔ, ba liire bwa chɔɡ, dɛkalkɛ bɛlbwa nao kɛŋɔ, Korowii yaa dɛ tomɔ laanee cha yaa yá won tonɛ toma la bwa.

Nehemia 9:11

He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Job Tɔn 11:20

Kɛ wechɔɡ-ɛɛra ɛɛ nao baa a munii no, baa bɔree dɔ dɛ́ chwa kaa. Ba hwɛɡa bwaa kɛŋɔ ba fee sewɛ.”

Job Tɔn 20:24

Ba chwao le dɔmkon baa kpɔ buni ɛo nyoa aa, hɛm o nyoa aa ɛ ayaawaa dɛɛ ba ba yaɡa dɛ́ kpoo ba.

Job Tɔn 27:22

Wɛɛ ba taɡ baa ta, waa wola ba nɛɛ sune, ba chwa dɛɛ le o be.

Yela 35:1

N Naa Korowii, kpɔ nɛra baa ɛ n dɔma la ɛ he dɔma, ka yo nɛra baa dɛ yoo mɛ la.

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Yela 76:6

Korowii Jekɔb aa dɛ tomɛ, haa aah ba la, ba jaɡre ne nɛra baa soɡe a ta bwa serewɔ.

Kaala 14:14

Korowiirii dɛ́ yo tɛ heya, hé te hel.”

Kaala 14:18

Maa ba pɔ kooro ne o nɛra nɛɛ la, anee baa ba jema kɛŋɔ menee Korowii.”

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Kaala 15:3

Korowiirii yoa dɛɛ tɛ yaa, Korowiirii o sɔn.

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Jeremia 51:21

Henee n kpɔ kpoo jaɡre ne nɛra baa soɡe a ta, dɛ paɡre kwaa aa do kɛ torɔɡore baa vɔwa pɛl jaɡre, ne nɛra baa soɡe a ta bwa.

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

Emɔs 5:19

Aa ɛo kɛŋɔ nɛn aa dɛ chwa nyujente dɛ ka cheme sisire ken. Aa doo kɛŋɔ nɛn aa jo o dea dɛ kpɔ nɔn dawɛ danjwɛɛ ta, asɛ harɛkon domɔ.

Emɔs 9:1

N na Korowii kɛŋɔ waa cheɡɛ kon baa dɛ ɛ saraha o ta la jwɛh, dɛ ŋɔ, “Kpɔ kon lɔ pilare la doa ásɛ Dea la doonyoa danjwɛɛre yiiɡi. Ásɛ a peri kuuɡi le nyundua ba le nɛra la nɛɛ ba serewe. Ba bini banɔ la baa ka la, mɛɛ kpoo ba laa taa. Ba bɛlbwa aa won le, beŋkpoŋ ɡba aa bɔree dɔ chwa.

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Mmarare 3:22

He bɛ ban ɔmɛ, Korowii haa dɛ tomɔ nɔ ɡbaɡba ɛɛ yoo tɛ heya.’

Mmarare 32:31

He dɔma jemɔ kɛŋɔ he voɡa ta voɡa ɛɛ, a ta doe kɛŋɔ Korowii waa do kɛ Bwetal Israel tena aa dɛ tomɔ nɔ.

Josua 10:14

Waa nɔ dɔŋa ta chiɡe saŋ bɛlbwa bwa, kɛɛ Korowii no nɛwɛnyini wesoŋa ken bwa. Kasinteŋ, dɛ Korowiirii fa yoa dɛɛ tɛ Israel tena.

Sitɔɔla 4:15

Barak aa dɛ tel Sisera be la, Korowii yoo tɛ Israel tena ba pɔ Sisera ne kwaa aa do kɛ torɔɡo ba vɔwɛ dɛɛ pɛla la bwa, ne o laa tena nɛɛ ba wili, asɛ Sisera tu le o bune kon waa do kɛ torɔɡo ba vɔwɛ pɛl jaaɡɔ la dɛ kpɔ nakpale ta chwa kaa.