Kaala 14:22 - mzwDBL

²² asɛ Israel tena valɛ harɛpɛɛ waa hola ta dɛ le o baŋ. Nee la pero che kɛŋɔ danjwɛ dɛ do ba diɡ ne ɡal,

Kaala 14:22 ပူးပေါင်းရင်းမြစ်များ

Hibru 11:29

Korowiirii Israel tena yarada waa Mposwɛm la teŋe anɛ, ásɛ o nenabɔɔ sie hol kɛŋɔ harɛpɛɛ, ba won jo le. Ijipt tena aa ŋɔa ba ɡe le la, mpo la kaa ba ne.

Yela 66:6

Onee ɡela mpo hweeh, harɛpɛɛ hol chɔ, ya naawa valɛ kpɔ o ta le. Belaa ya sie lɛ, waa Korowii aa ɛa wa.

Yela 78:13

O ɡelɔ mpo pere anɛ, dɛ tɔ ba sie, asɛ ba valɛ o bini le kɛŋɔ harɛpɛɛ ken. O ɡelɔ nee la teŋe che kɛŋɔ danjwɛɛ diɡ ne ɡal.

Kaala 15:19

Gɛɛ a do Ijipt kooro kwaa aa do kɛŋɔ torɔɡo ba vɔwɛ dɛɛ pɛl jaɡre, ne baala baa soɡe jaɡre ta bwa jo mpo la bini, asɛ Korowii ɡel nee la ba bɔle ba nɛ. O ɡelɔ Israel tena la te valɛ harɛpɛɛ waa hola ta mpo la bini dɛ le.

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

1 Kɔrent 10:1

Yabala, n dɛ nyin kɛ ń lii heya, ya naawa bwa nɛɛ Korowii bam la faa tɔ. Moo la aa teŋa la, ba bwaa kpɔ o baah kaa.

Aesaya 63:13

O nɛra kpɔ bela o fea luŋa dɛ ɡale. Mosis cheɡɛ Korowii nɛɛ dɛ kpɔ ba ɡale kɛŋɔ jaɡre a siwi aa beɡra aa chwa aa wola naa lɔ la.”

Nehemia 9:11

He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Kaala 15:8

He nyoa peu ɡbo ɡelɔ mpo bini pere, dɛ che diɡ ne ɡal kɛŋɔ danjwɛ, o holɔ vile aa lɔ o baah ta chɔ pɛɛ.

Nɛra Kura 33:8

Dɛ ir Pi Haherɔt dɛ kpɔ mpo ŋwɛnɛ ta kaa pua hɛŋle ɡbo harɛ la ta. Ba valɛ tɔpera atoro Etaam pua hɛŋle ɡbo harɛ la ta dɛ ka so Mara.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Josua 3:17

Sɔfore baa cheɡɛ Korowii Ne Nɛwɛnyina Fɔo Daka la valɛ harɛpɛɛ ta, Jɔɔdan Moo nenabɔɔ la bini dɛ ka jaɡɛ che, asɛ nɛra la bwa sekwaraa kpɔ harɛpɛɛ la ta ba bɛɡ ba dɛ le o baŋ.

Josua 4:22

hé ŋɔ ba be ŋɔ, ‘Harɛpɛɛ taa Israel tena kpɔ ɛɡɛ Jɔɔdan Moo le.’

1 Samoɛl 25:16

Ba daah yaa webaŋa ne jwaana, saŋ bɛlbwaa ya ja ba nɛɛ dɛɛ teɡɛ ya peera.

2 Koranar 2:8

Asɛ Elaeja foo o batakaare, dɛ laa kpɛwɛ dɛ kpɔ lɔ nee la, asɛ nee la bini pere anɛ, asɛ ba valɛ kpɔ harɛpɛɛ ta le nee la baŋ.

Yela 74:15

He ɡelɔ buli ne nenabɔɔne ɛɛ palɛ, dɛ ɡel mojena hweeh.

Yela 136:14

Asɛ o tɔ Israel tena sie ba valɛ o bini le. O nyina lole saŋ bɛlbwa dɛɛ la.

Aesaya 43:16

Kenii Korowii bol. Onee ɡela mpo faa pere, ŋwɛnɛ chɔ o baah ta la.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

2 Koranar 2:14

O kpɔ Elaeja yal la lɔ nee la dɛ lii ŋɔ, “Leperaa Korowii Elaeja aa tomɔ la dɔɔ?” Waa bera kpɔ lɔ nee la, o bini pero anɛ, asɛ harɛpɛɛ chɔ o valɛ o bini le o baŋ.

Yela 106:9

He kɔr Mposwɛm asɛ o hweeh, asɛ he tɔ he nɛra sie ba valɛ harɛpɛɛ ta kɛŋɔ, pua hɛŋle ɡbo harɛ ta ken dɛ ɛɡɛ le o baŋ.

Yela 136:13

Onee ɡela Mposwɛm pere anɛ. O nyina lole saŋ bɛlbwa dɛɛ la.

Aesaya 11:15

Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Aesaya 11:16

Ŋwɛnɛjen ɛɛ chɔɔ tɛ o nɛra baa kaa, dɛ́ le Asiiria harɛ la ta, ɡɛ ŋwɛnɛ fa aa chɔa tɛ Israel tena ɡɛ saŋ baa le Ijipt harɛ ta dɛɛ kaa la.

Aesaya 51:10

He laa ɡela mpo hweeh, ŋwɛnɛ chɔ bela waa luŋa, asɛ nɛra haa lɛɛ ba won le o baŋ la aa?