Kaala 14:21 - mzwDBL

²¹ Mosis tɛr daŋɡbala waa lɔ o nɔn ta la pa mpo la ta, asɛ awola jwaana la bwa Korowii ɡel peujen bɛl ta le wee leebɔr, dɛ taɡɛ nee la kaa habɔɔ o berɛ harɛpɛɛ dɛ hol chɔ. Mpo la bini pero,

Kaala 14:21 ပူးပေါင်းရင်းမြစ်များ

Mumpar 8:1

Anɔ bwa habɔɔ la, Korowii ta Nowa ne kpɔɡ bini ola, ne kondɛɛra bwa aa ja o nɛɛ dɛ jo daka la bini la waa soɛh. O ɡelɔ peu ta asɛ nee la ɛɛ hweeh.

2 Koranar 2:8

Asɛ Elaeja foo o batakaare, dɛ laa kpɛwɛ dɛ kpɔ lɔ nee la, asɛ nee la bini pere anɛ, asɛ ba valɛ kpɔ harɛpɛɛ ta le nee la baŋ.

Nehemia 9:11

He ɡelɔ ŋwɛnɛ chɔ mpo bini tɛ he nɛra, dɛ tɔ ba sie ba valɛ harɛ waa hola ta. He ɡelɔ ba dɔma baa dɛ ti ba ka nee la ta, kɛŋɔ baa kpɔ bwe ta mpo vil ta ken.

Job Tɔn 26:12

O cheɡɛ o kpeɡri ta dɛ ɡel mpo ɛɛ vuuɡi, dɛ che o wejema ta chɔɡ mpo bini oljen Rahab.

Job Tɔn 38:24

Hɛɛ won jemɛ bela bɔr chaahna aa lea dɛɛ ba, kɛɛ bela wee leebɔr peu aa taa le dɛɛ kaa la aa?

Yela 136:13

Onee ɡela Mposwɛm pere anɛ. O nyina lole saŋ bɛlbwa dɛɛ la.

Yela 148:8

Bwaala nyɛɡla ne dombwea, ne baama dɛ peukpeɡa aa dɛ no o be,

Yela 66:6

Onee ɡela mpo hweeh, harɛpɛɛ hol chɔ, ya naawa valɛ kpɔ o ta le. Belaa ya sie lɛ, waa Korowii aa ɛa wa.

Yela 74:13

He cheɡɛ he kpeɡri kohona ta, dɛ ɡel mpo pere, dɛ paɡre mpo bini oljena nyuune.

Yela 78:13

O ɡelɔ mpo pere anɛ, dɛ tɔ ba sie, asɛ ba valɛ o bini le kɛŋɔ harɛpɛɛ ken. O ɡelɔ nee la teŋe che kɛŋɔ danjwɛɛ diɡ ne ɡal.

Kaala 14:16

Tɛr he daŋɡbala la pa Mposwɛm la ta, ásɛ o bini pere Israel tena la won valɛ o bini le kɛŋɔ harɛpɛɛ ta.

Kaala 14:20

dɛ do Ijipt laa tena ne Israel laa tena baah ta. Awola jwaana la, bam la baa tɔ baŋ bɛl, baŋ bɛl tena do biro ta asɛ bɔr chaah baŋ bɛl tena ɡe be. Anomanta, bɛlbwa ta wone la o dɔŋ be awola jwaana la bwa.

Kaala 15:8

He nyoa peu ɡbo ɡelɔ mpo bini pere, dɛ che diɡ ne ɡal kɛŋɔ danjwɛ, o holɔ vile aa lɔ o baah ta chɔ pɛɛ.

Kaala 7:19

Korowii berɔ ŋɔ Mosis be ŋɔ, “Ŋɔ Arɔn be ó tɛr o daŋɡbala dɛ́ kpɔ pa Ijipt neerare bwa ta, nenabɔɔne ne taama dɛ buli bwa, ásɛ a berɛ chal. Chal ɛɛ perɛ harɛ la ta bobɛlbwaa. Hale komɛlbwa nee aa lɔ o bini bwa.”

Aesaya 23:11

Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.

Aesaya 43:16

Kenii Korowii bol. Onee ɡela mpo faa pere, ŋwɛnɛ chɔ o baah ta la.

Aesaya 44:27

N dɛ ŋɔ mpo hweeh, ó hweeh, ásɛ nenabɔɔne ɡe hweeh.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 51:10

He laa ɡela mpo hweeh, ŋwɛnɛ chɔ bela waa luŋa, asɛ nɛra haa lɛɛ ba won le o baŋ la aa?

Aesaya 51:15

Menee Korowii haa dɛ tom mɛ la. Menee wona ɡel mpo ɛɛ ir dɛɛ lɔ nehɛma. N sɔnee Nemenɛ Korowii.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

Aesaya 63:13

O nɛra kpɔ bela o fea luŋa dɛ ɡale. Mosis cheɡɛ Korowii nɛɛ dɛ kpɔ ba ɡale kɛŋɔ jaɡre a siwi aa beɡra aa chwa aa wola naa lɔ la.”

Habakuk 3:8

N Naa Korowii, he baah di neerare nɛɛ kɛɛ? He bandia lɔ nenabɔɔne nɛɛ kɛɛ? Mpo nɛɛ he baah di, ɡɛ saŋ haa soɡe he jaɡre, ne torɔɡore baa vɔrɔwa pɛl a nɛɛ dɛɛ la ka yo nɛra dɛ́ pɔ ba nɛɛ kɛɛ?

We-ɛɛla 7:36

Mosis ɛ nyokpowaa Ijipt harɛ ta mɔɔ dɛ kpɔ o nɛra le bela, dɛ ɛ nyokpowaa Mposwɛm la ta bene fifraanaarɛ baa dia pua hɛŋle ɡbo harɛ ta la bwa ta.

Josua 2:10

Ya no ɡɛ Korowii aa ɡela Mposwɛm teŋe, asɛ he won le o baŋ ɡɛ saŋ haa le Ijipt harɛ ta dɛɛ ba la, dɛ berɛ no kpoe haa kpoo Amɔre tena koranar banɛ Sihon ne Ɔɡ Jɔɔdan Moo wee leebɔr dɛ chɔɡ ba harɛ bwa kwaraa la.

Josua 3:17

Sɔfore baa cheɡɛ Korowii Ne Nɛwɛnyina Fɔo Daka la valɛ harɛpɛɛ ta, Jɔɔdan Moo nenabɔɔ la bini dɛ ka jaɡɛ che, asɛ nɛra la bwa sekwaraa kpɔ harɛpɛɛ la ta ba bɛɡ ba dɛ le o baŋ.

Josua 4:23

Hé berɛ ŋɔ ba be ŋɔ, ‘Korowii yaa dɛ tomɔ la ɡelɔ Jɔɔdan Moo teŋe ya won ɛɡɛ le o baŋ ɡɛ waa ɡela Mposwɛm teŋe tɛ ya naawa la.