Kaala 14:10 - mzwDBL

¹⁰ Kooro ne o laa tena aa dɛ bɛn ba asɛ Israel tena ke nyiŋi la, ba nao kɛŋɔ Ijipt tena puu ba tonɛ. Asɛ ɔmee kohona nomanta, ba wi dɛɛ yerɛ Korowii ŋɔ ó ba cha ba.

Kaala 14:10 ပူးပေါင်းရင်းမြစ်များ

2 Webena 18:31

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

Nehemia 9:9

He na wahala ya naawa aa naa Ijipt harɛ ta, dɛ no ba wii Mposwɛm la ta, dɛ cha ba.

Yela 106:44

Kɛ baa lɔ wenaale ta la, he chaŋ ba dɛ no ba suna baa dɛ di.

Yela 107:13

Asɛ ba wahala nae bini la, ba wi no Korowii, asɛ o lɛɛ ba le suna baa dɛ di ta.

Yela 107:19

Asɛ ba wahala nae bini la, ba wi no Korowii, asɛ o lɛɛ ba le suna baa dɛ di ta.

Yela 107:28

Asɛ ba wahala nae bini la, ba wi no Korowii, asɛ o lɛɛ ba le suna baa dɛ di ta.

Yela 107:6

Asɛ ba wahala nae bini la, ba wi no Korowii, asɛ o lɛɛ ba le suna baa dɛ di ta.

Yela 34:17

Nɛra ba wa aa toɡra wio no Korowii aa, o dɛ no, dɛ lɛɛ ba dɛɛ le ba wahala bwa ta.

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Yela 81:7

Gɛ saŋ haa lɔ wenaale ta la, he yerɛ men Korowii, asɛ n ba lɛ heya. N cheɡɛ peukpeɡ bini dɛ chaŋe heya, dɛ daah heyaa na Mɛreba, bela ne aa bula la.

Kaala 13:17

Ijipt kooro tɛ nɛra la ŋwɛnɛ ŋɔ bá kaa, kɛ Korowii ta ba sie tɔe ba kpɔ ŋwɛnɛ waa chɔa kaa Filisti tena harɛ ta la, dɛ onee fe bora. Asɛ Korowii lii ŋɔ, “Dɛ ba kaa cheme laa laa, baa charɛ ba liiree dɛ́ berɛ kaa Ijipt harɛ ta.”

Kaala 15:25

Ate, Mosis wi no Korowii asɛ o baɡlo daa bɛl. O kpɔ ta nee la ta nee la do som ba bwa nyɔ. Bela la, Korowii do Mmarare tɛɛ ba asɛ dɛ kpɔ daah ba na.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Aesaya 7:2

A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Mmarare 9:7

Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.

Josua 24:6

Maa lawɛ he naawa le Ijipt harɛ la, asɛ Ijipt tena so torɔɡore baa vɔwa pɛl jaɡre ta, ne laa tena baa soɡe jaɡre ta ti ba ka tel Mposwɛm ta.

Josua 24:7

Ba wio no men Korowii ŋɔ ń cha ba, asɛ n ɡel bɔr bir ba ne Ijipt tena la baah ta. Anee n ɡel mpo la nee su ba bɔle ba nɛ. He ɡbabir na ɡɛ maa ɛ Ijipt tena la. Asɛ he so pua hɛŋle ɡbo harɛ ta dɛ biɡri taeh.

1 Jɔn 4:18

Nɛn dɛ nyin o dɔŋ aa, waa ɡɛ Korowii aa dɛ tɛr nɛra deŋne ɔmɛ. Nyina waa ɛ nyina tenten la dɛ doŋi ɔmee. Deŋne tɛra waa nɛn ɛɛ ɔmɛ Korowii. Anomanta, naate waa dɛ ɔmɛ la ta nyina tenten dɔe o be.