Kaala 13:3 - mzwDBL

³ Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 13:3 ပူးပေါင်းရင်းမြစ်များ

Mumpar 15:16

He naanar bele banaarɛ ɛɛ ba kaaloo mɔɔ, he naanar berɛ ba harɛ nɔ ta, dɛkalkɛŋɔ Amɔre tena wechɔɡa baa dɛ ɛ la ta tele kɛ bá dɔ deŋnetɛra mɔɔ.”

1 Koranar 8:42

dɛkalkɛŋɔ, ba no kpeɡri haa dɔa ne he sɔn ne wejena haa ɛa wa. Dɛ ba bini bɛlbwa kpɔ sie chaɡɛ he Dea nɔ dɛ soŋe naa,

1 Webena 16:12

Hé lii o nyokpowaa waa ɛa, o wejena ne o waa aa dɔ kasinteŋ la wa,

Nehemia 1:10

N Naa Korowii, ba ɛ he bonɔɔna ne he ɡbaɡba nɛra. He kpeɡri ne he bokpeɡa nee he lɛɛ ba.

Nehemia 9:10

He ɛ nyokpowe-ɛɛla baɡle Ijipt kooro, ne o nomonome dɛ harɛ la tena bwa. Dɛkalkɛ he na ɡɛ baa fiiɡi he nɛra, dɛ lɛ sɔn o ta chɔ le ba le fini.

Yela 105:5

Hé lii o nyokpowaa waa ɛa, o wejena ne o waa aa dɔ kasinteŋ la wa,

Yela 114:1

Awola Israel tena aa le Ijipt harɛ ta, Jekɔb naanar aa le harɛ baa kaa ɛ hɔɔhra o ta la,

Yela 136:11

O tɔ Israel tena sie le Ijipt harɛ. O nyina lole saŋ bɛlbwa dɛɛ la.

Yela 136:12

O kpeɡri nee o lɛɛ ba. O nyina lole saŋ bɛlbwa dɛɛ la.

Yela 89:14

Waa aa toɡra ne waa bola dɛ́ pa bole aŋwɛnɛ ta, nee hɛɛ di kora. Nɛnnyin ne kasinteŋ ɡboo he kpɔ dɛɛ ɛ he wa.

Kaala 12:15

Hé di paanoo iisi aa wola toole a ta tɔpera anuanɛ. Tɔpere waa tɔ sie la, hé laa iisi bɛlbwa kpɔ he deene bini. Nomɛlbwa waa di paanoo iisi aa do o ta a ɡɛ tɔpera nɔ ta la, dɛ o ta n nɛra baa ɛ Israel tena la bini jae kpa.

Kaala 12:17

Hɛ́ɛ di Paanoo Iisi Aa Wola Toole a ta Tɔpejen la dɛ́ kpɔ lii men Korowii, dɛkalkɛ a ɡɛ tɔpere la taa n lawɛ heyaa le Ijipt harɛ ta denaa ta. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 12:19

He bɛ ɡel ba na iisi he deremi tɔpera anuanɛ la ta. Nomɛlbwa wáa di kondikwa iisi do a ta la, bá doŋu le Israel tena bini. Dɛ nɛŋhɔɔh kɛɛ bwɛɛlembiee yoo, bá doŋu.

Kaala 12:2

dɛ ŋɔ, “Hé kpɔ korobie nɔ ɛ he korobiloɡle bena bɛlbwa.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:42

Awola baa le harɛ la ta la ɛ jwaana, asɛ Korowii kpɔ nɔn tɔ ba nɛ dɛ daah ba. Anomanta, benanyoa bɛlbwa chɛ kɛ Israel tena bwa nyiŋi daahna Korowii aa daah ba dɛ kpɔ ba le Ijipt harɛ awola jwaana la kɛrɛdɛ, dɛ́ ɡe so dɛɛ daah dɛ́ kpɔ jirima tɛ Korowii, á chɔ le tɛ ba naanar baa ka ba.

Kaala 12:8

Awola jwaana la tenten la, bá wɔɔ ola la, dɛ́ kpɔ papooni aa kpela ne paanoo baa wola iisi a ta doe la ja a ta dɛ́ di.

Kaala 13:14

Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Kaala 13:9

Gel tɔpere la dii do kɛŋɔ nɔnloɡ, kɛɛ komɛl haa kpɔ vɔwɛ he tile ta, dɛɛ liiri Korowii Mmara la ta teŋa. Dɛkalkɛ Korowii kpeɡri ne o bokpeɡaa o kpɔ lawɛ le Ijipt harɛ ta.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Kaala 20:8

Hé di Ona Tɔpere la, dɛ́ ɛo tɔpedɛɛɡe o do ɡoroŋ.

Kaala 23:15

Hé di Paanoo Iisi Aa Wola Toole A Ta Tɔpejen la. Tɔpera anuanɛɛ chɛ kɛŋɔ hé di paanoo iisi aa wola toole a ta ɡɛ maa do heyaa la. Hé di tɔpejen nɔ tɔpera maa lea cheɡ tɛ heyaa ta Abib korobie la ta, dɛkalkɛ ɡɛ korobie la taa he le Ijipt harɛ ta. Bɛlbwa bɛ nɔŋɡbala kpɔ ba n sie.

Kaala 3:20

Anomanta, mɛɛ che n kpeɡri taa dɛ́ ɡel Ijipt tena na n nyokpowe-ɛɛla maa dɛ́ ba ɛɛ ba bini la, mɔɔ ó ɡel he kaa.

Kaala 34:18

Hé di Paanoo Iisi Aa Wola Toole a ta Tɔpejen la. Tɔpera anuanɛɛ chɛ kɛŋɔ hé dia ɡɛ maa do heyaa la. Hé dia benanyoa bɛlbwa tɔpera maa lea cheɡ Solchɛɡɛ korobie ta dɛkalkɛ o taa he le Ijipt harɛ ta.

Kaala 6:1

Belaa Korowii ŋɔ Mosis be ŋɔ, “Taraken n dɛ ba ɡela he jemɛ waa maa dɛ ba kpɔe ɛ Ijipt kooro la. Aa che n kpeɡri taa ó tɛ n nɛra la ŋwɛnɛ bá kaa. Hale dɛ́ ɡel ó doŋ ba le o harɛ ta.”

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Kaala 7:4

Waa wola he bee no nomanta, mɛɛ kpɔ deŋnetɛraa ba harɛ la ta dɛ́ do ba sibeɡra kohona dɛ́ lawɛ n nɛra Israel tena bwa le bela.

Jeremia 34:13

“Waa Korowii Israel tena aa dɛ tomɔ aa dɛ bol laanee nɔ, ‘N ne he naawa fɔwɛ fɔo ɡɛ saŋ maa laɡ ba le Ijipt harɛ ta, bela baa do ba kɛŋɔ yoma la, kɛŋɔ

Daneɛl 9:15

N Naa Korowii yaa dɛ tomɛ, henee cheɡɛ he kpeɡri ta lɛ he nɛra le Ijipt harɛ ta, dɛ lɛ sɔn tɛ he te a ta chɔ le ba le fini, kɛ ya ɡarɔ ɛ wechɔɡa kohona.

Matiu 10:12

He kaa jo dem bɛlbwa ta naa, hé ŋɔ ba be ŋɔ, ‘Kórowii tɛ heyaa bosɔɔhna.’

Amanesoma Luk Aa Chwera Tɔn 22:19

Asɛ o berɛ kpɔ paanoo dɛ jam Korowii o wa, asɛ dɛ mɔne tɛɛ ba, dɛ ŋɔ, “Anɔ cheɡɔ tɛ n bo-ol maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

1 Kɔrent 11:24

asɛ dɛ soŋe Korowii do o ta, dɛ kuuɡu dɛ ŋɔ, “N bo-olii nɔ, maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

1 Kɔrent 5:8

Anomanta, hé ɡel ya kpɔ ya te kɛŋɔ yaa dɛ ba Galekaa kondikwaa dii ken, anee kɛŋɔ yá laa meesɔɔh ne wechɔɡa bɛlbwa soo siwi kpɔ ya bini, ɡɛ baa laa iisi kpɔ paanoo baa kpɔa dɛɛ di Galekaa ta la. Hé ɡel ya kpɔ kasinteŋ ne tepoŋ dɛ́ teŋɛ Korowii nɛ.

Ɛfesos 1:19

dɛ́ berɛ jemɛ kɛŋɔ kpeɡri Korowii aa dɔa dɛɛ cha ya banɔ la yaa yaradao la kan, a dɔŋa toole. Hé lii ɡɛ o fa aa cha Yeesu Kristo o kpeɡri ne la, dɛ́ jemɛ kɛŋɔ kpeɡri la tentenee ó kpɔ dɛɛ cha yaa.

Mmarare 13:10

Hé foɡro bwea kpo, dɛkalkɛŋɔ o fe tɛɡre heyaa dɛɛ le Korowii haa dɛ tomɔ o le he ne Ijipt harɛ ta he fa aa di somanjiri bela la nɔn ta.

Mmarare 13:11

Ásɛ Israel tena bwa no dɛ́ ɔmɛ, ásɛ bɛlbwa bɛ a ɡɛ wechɔɡa ŋwɛnɛ nɔ ta ba kpɔ kpa.

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 13:6

He bini bɛlbwa dɔɔ kɛɛ o nime pɔrɔdɔ, kɛɛ o bibaa kɛɛ bihaah, hale o haah kwara kɛɛ o dansom lɔɡɔ ŋɔ, ó berɛ ka tomɛ voɡa he ne he naawa aa wola an tomɛ bwa,

Mmarare 15:15

Hé lii kɛŋɔ he fa di somanjiri Ijipt harɛ ta, asɛ Korowii lɛ heyaa le a ta. A waa mɛɛ do heyaa waa nɔ ta fini la.

Mmarare 16:1

Mosis berɔ ŋɔ, “Hɛ́ɛ di Galekaa Tɔpejen la Abib korobie la ta Korowii sɔn ta, dɛkalkɛŋɔ ɡɛ korobie la taa o lɛ heyaa le Ijipt harɛ jwaana bɛl.

Mmarare 16:12

Hé lii kɛŋɔ he fa di somanjiri Ijipt harɛ ta ka, anomanta, hé nyiŋi kɛrɛdɛ dɛ́ɛ teŋɛ ɡɛ waa nɔ ta.

Mmarare 16:3

He bɛ paanoo baa do iisi a ta la kpɔ ja Galekaa ol la ta dɛ́ di. Hé di paanoo baa wola iisi a ta doe la teŋɛ dɔŋa nɛɛ tɔpera anuanɛ, ɡɛ haa ɛa Ijipt harɛ a ba kɛ he le bela wɔrɔbe nɛɛ la. Hɛ́ɛ yerɔ wahala paanoo, ásɛ dɛ kpɔ dɛɛ lii he soɡa bini bwa tɔpere haa le Ijipt harɛ ta la.

Mmarare 24:18

Hé lii kɛŋɔ he fa di somanjiri Ijipt harɛ ta, asɛ Korowii haa dɛ tomɔ nɔ lɛ heyaa le bela. A waa ɡela mɛɛ do heyaa ŋɔ hé ɛ ɡɛ la.

Mmarare 24:22

Hé lii kɛŋɔ he fa di somanjiri Ijipt harɛ ta ka, a waa n do heyaa ŋɔ hɛ́ɛ ɛ ɡɛ waa nɔ la.”

Mmarare 26:8

Asɛ Korowii che o kpeɡri ne o bokpeɡa kohona waa dɔa la ta dɛ lɛ yaa le Ijipt harɛ ta. O ɛ nyokpowe-ɛɛla ne waa aa do ɔma kohona ɡe bela.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Mmarare 5:15

Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.

Mmarare 5:6

‘Menee Korowii haa dɛ tom mɛ, n le he ne Ijipt harɛ ta somanjiri dii ta la.

Mmarare 6:12

hé nyiŋi kɛrɛdɛ dɛ bɛ Korowii waa soh. Onee le he ne Ijipt harɛ he fa aa di somanjiri o ta la.

Mmarare 6:21

He ŋɔ ba be ŋɔ, ‘Ya fa dɛ di somanjiri Ijipt kooro harɛ ta, asɛ Korowii che o kpeɡri ta dɛ le ya ne bela.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

Mmarare 9:12

Belaa Korowii ŋɔ n be ŋɔ, ‘Tu le bonɔ kaa warane, he nɛra haa le ba ne Ijipt harɛ ta ba la ɛ wechɔɡa. Ba deno le waa maa do ba a ta la ta dɛ ɛ voɡ dɛɛ tomɔ.’

Josua 24:17

Korowii yaa dɛ tomɔ nɔɔ le ya ne ya naawa le Ijipt harɛ ta, dɛ ya ɛ yoma bela. Ya na nyokpowaa kohona waa ɛa. O kpɔ nɔn tɔ ya nɛɛ ya vala bini bwa, ne harɛre yaa kpɔ a ta bwa.

Sitɔɔla 2:12

Ba vɛh Korowii ba naawa aa tomɔ o lɛɛ ba le Ijipt harɛ ta la toma, dɛɛ tomɛ nɛra baa soɡa bar ba la voɡa, a ɡel Korowii baah di ba nɛ

Sitɔɔla 6:8

Korowii Israel tena aa dɛ tomɛ ɡelɔ o keame bɛl ba ba be ŋɔ, “Men lɛ heyaa le Ijipt harɛ ta somanjiri dii ta.