Kaala 13:12 - mzwDBL

¹² a chɛ kɛ hé kpɔ bibanloɡle bɛlbwa tɛo. Kondɛɛre bɛlbwa ɡe biloɡle ombal ɛ Korowii kon.

Kaala 13:12 ပူးပေါင်းရင်းမြစ်များ

Nehemia 10:36

Yaa kpɔ ya bibanloɡla ne nae biloɡla, ne ya boohna ne peera biloɡlaa ba Korowii yaa dɛ tomɔ la Dea ba tɛ sɔfore baa dɛ ɛ toma bela la, ɡɛ baa chwera do Korowii Mmara Tɔn bini la.

Nehemia 10:37

Yaa kpɔ ya kondikonloɡlaa la Korowii yaa dɛ tomɔ la Dea, bela baa dɛ cheɡ kwaa la, dɛ́ kpɔ ka tɛ sɔfore la, ya mendɛɛɡa ne mea sarahare, ne ya daa nɔna, ne senfala dɛ ɔleve no. Yaa bɔne komɛlbwa aa le ya kooni ta bɔre fii, dɛ́ kpɔ bɔrbeŋkpoŋ ka tɛ Lewi dea tena la, dɛkalkɛ banee dɛɛ lɛa ya bwɛɛre bwa ta.

Kaala 13:1

Korowii ŋɔ Mosis be ŋɔ,

Kaala 13:2

“Le bibanloɡle bɛlbwa cheɡ tɛ mɛ ó ɛ n kon. Israel te bibanloɡle bɛlbwa ne kondɛɛre bɛlbwa ɡe biloɡle ombal bwa ɛ n kwa.”

Kaala 22:28

He bɛ nɛnhɛlwobol bol yaɡɛ men Korowii kɛɛ dɛ́ taah he harɛ nomoa.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Kaala 34:19

Bibanloɡle ne kondɛɛre bɛlbwa ombal waa ɛ biloɡle ɛ n kon.

Kaala 34:20

Kɛ dɛ keeɡo bie yaa, hé nyin pebie chiɡ o naa ta. He ta bɛl dɔe dɛ chiɡ o naa ta naa, hé ku keeɡo la baŋa. Hé charɛ bibanloɡle bɛlbwa ɡe nyu. Nomɛlbwa bɛ n sie ba nɔŋɡbala ne.

Ɛsekeɛl 16:20

He lawɛ he bibaala ne bihaahna haa lol ba tɛ mɛ la, dɛ kpoo ba ɛ saraha tɛ voɡa. He jwamane la ɡbo ta maɡraa?

Ɛsekeɛl 44:30

He koo kondikonloɡla aa wera, ne komɛlbwa haa kpɔa baa tɛ mɛ la ɛɛ ɛ sɔfore la kwaa. He kpɔ menloɡla ba tɛɛ ba, ásɛ n swee andɛɛɡa tɛ heyaa he deremi.

Lewi Dea Tena 27:26

Nomɛlbwa bɛ kondɛɛre biloɡle kpɔ ba tɛ mɛ, dɛkalkɛ a ɛ n kwaa wubwa. Dɛ nao kɛɛ peerii yoo, o ɛ n kon.

Nɛra Kura 18:15

Israel tena bibanloɡla ne ba konaatena biloɡla ambala baa kpɔ ba tɛ mɛ la ɛ he kwa. Kɛ bibanloɡla ne konaatena baa kia biloɡla ambala te, a chɛ kɛ hé ɡel ba charɛ a nyuune.

Nɛra Kura 3:12

“Le awola maa kpoo Ijipt tena bibanloɡla bwa laanee n le Israel tena bibanloɡla tɛ n te, nɛra ne kondɛɛra bibanloɡla bwa ɛ n kwa.

Nɛra Kura 3:13

N kpɔ Lewi dea tena le Israel tena bini, dɛ kpɔ chiɡ Israel bibanloɡle naa ta, ba ɛ n kwa. Menee Korowii.”

Nɛra Kura 8:17

Gɛ saŋ n fa aa kpo Ijipt tena bibanloɡla la taa n le Israel tena bibanloɡla, hale ba kondɛɛra biloɡla bwa, ba ɛ n kwa.

Amanesoma Luk Aa Chwera Tɔn 2:23

ɡɛ Mmara la aa baɡla kɛ bibanloɡle bɛlbwa chɛ kɛ bá kpɔɔ tɛ Korowii la.

Mmarare 15:19

Anee Mosis berɛ ŋɔ, “Hé le he nae ne peera biloɡla aa ɛ ambala la cheɡ, a ɛ Korowii kwa. He bɛ he nae biloɡla kpɔ parɛ, he bɛ peera biloɡla ɡe pona fonɛ.