Kaala 12:41 - mzwDBL

⁴¹ A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:41 ပူးပေါင်းရင်းမြစ်များ

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

1 Koranar 6:1

Israel tena aa ira le Ijipt harɛ ta bene lafraanaarɛ fifraanuatoro habɔɔ Kooro Solomɔn ba di kora Israel harɛ ta. Waa di kora bene anaarɛ, korobinɛɛte baa dɛ yerɔ Siv taa o ɡel ba pa mun dɛɛ ma Korowii Dea la.

2 Webena 14:12

Korowii cha Kooro Asa ne Juda laa tena, asɛ ba pɔ Itiopia tena la nɛ. Ba chwao,

Yela 102:13

Hɛɛ sune bwɛjen Saayɔn tena nɛɛ, saŋ haa lea cheɡ la telo kɛ he dɔ tedoma tɛɛ ba.

Yela 114:1

Awola Israel tena aa le Ijipt harɛ ta, Jekɔb naanar aa le harɛ baa kaa ɛ hɔɔhra o ta la,

Yela 136:11

O tɔ Israel tena sie le Ijipt harɛ. O nyina lole saŋ bɛlbwa dɛɛ la.

Kaala 12:17

Hɛ́ɛ di Paanoo Iisi Aa Wola Toole a ta Tɔpejen la dɛ́ kpɔ lii men Korowii, dɛkalkɛ a ɡɛ tɔpere la taa n lawɛ heyaa le Ijipt harɛ ta denaa ta. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

Kaala 13:14

Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Kaala 13:16

Gɛ waa nɔ do kɛŋɔ nɔnloɡ kɛɛ kon yaa kpɔ vɔwɛ tili ta aa lii yaa Korowii kpeɡri, ne o bokpeɡa waa kpɔa lawɛ yaa le Ijipt harɛ ta la.”

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 13:9

Gel tɔpere la dii do kɛŋɔ nɔnloɡ, kɛɛ komɛl haa kpɔ vɔwɛ he tile ta, dɛɛ liiri Korowii Mmara la ta teŋa. Dɛkalkɛ Korowii kpeɡri ne o bokpeɡaa o kpɔ lawɛ le Ijipt harɛ ta.

Kaala 3:10

N dɛ tomɛ Ijipt kooro be, ásɛ he tɔ n nɛra sie ba won le o harɛ la ta.”

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 6:26

A ɡɛ Arɔn nɔ ne Mosisii Korowii ŋɔ bá ka kpɔ Israel tena le Ijipt harɛ ta la.

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 7:4

Waa wola he bee no nomanta, mɛɛ kpɔ deŋnetɛraa ba harɛ la ta dɛ́ do ba sibeɡra kohona dɛ́ lawɛ n nɛra Israel tena bwa le bela.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Lewi Dea Tena 23:43

ásɛ he naanar jemɛ kɛŋɔ men Korowiirii ɡela Israel tena so kukure lɔɡre ɡɛ saŋ maa laɡ ba le Ijipt harɛ ta la. Menee Korowii haa dɛ tom mɛ la.”

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Nɛra Kura 23:22

Korowii laɡ ba le Ijipt harɛ ta, dɛ yo dɛɛ tɛɛ ba kɛŋɔ kpɔɡ bini nao ken.

Nɛra Kura 33:1

Gɛ Mosis ne Arɔn aa kpɔ Israel tena le Ijipt harɛ ta dɛ tɔ ba sie ba valɛ denaa ta laanee teŋa nɔ.

Amanesoma Jɔn Aa Chwera Tɔn 7:8

Hé kaa ka di tɔpejen la. Tɔpere n te aa ba bela la ta tele mɔɔ.”

We-ɛɛla 1:7

Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa.

We-ɛɛla 7:36

Mosis ɛ nyokpowaa Ijipt harɛ ta mɔɔ dɛ kpɔ o nɛra le bela, dɛ ɛ nyokpowaa Mposwɛm la ta bene fifraanaarɛ baa dia pua hɛŋle ɡbo harɛ ta la bwa ta.

Mmarare 16:1

Mosis berɔ ŋɔ, “Hɛ́ɛ di Galekaa Tɔpejen la Abib korobie la ta Korowii sɔn ta, dɛkalkɛŋɔ ɡɛ korobie la taa o lɛ heyaa le Ijipt harɛ jwaana bɛl.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.

Josua 24:5

A habɔɔ la, n tomɛ Mosis ne Arɔn, dɛ ɡel ba kpɔ wahala ta Ijipt tena nɛ, asɛ n lawɛ heyaa le he dɔ he te.

Josua 5:14

Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”