Kaala 12:37 - mzwDBL

³⁷ Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Kaala 12:37 ပူးပေါင်းရင်းမြစ်များ

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

Mumpar 46:3

Belaa Korowii ŋɔ o be ŋɔ, “Menee Korowii he mɛɛwa aa tom mɛ la. Bɛ ɔmɛ kɛŋɔ he dɛ kaa Ijipt harɛ ta. Mɛɛ ɡeloo he mun ya bela taeh.

Mumpar 47:11

Josef kpɔ o mɛɛ ne o dɔɔranar ka so harɛ la ta, bela waa wera ŋɔ ó ɛ ba kon, ɡɛ kooro aa bola la. Dɛ bela bɛne bwɛjen Rameses, Gosen bela.

Kaala 1:11

Anomanta, ba le nomonome ba chɔ ba nyoa, dɛ do ba baa ɛ tomkpeɡa. Dɛ ɡel ba do bwɛjena Petɔm ne Rameses, dɛɛ cheɡ kondikwaa a bini dɛɛ tɛ kooro.

Kaala 10:9

Asɛ Mosis chaŋe ŋɔ, “Ya bwaa dɛɛ ba kaala. Bechale ne hanjeni ne banjeni, ne bibaala ne bihaahna dɛ ya kondɛɛra bwa, dɛkalkɛ ya dɛ la ka di tɔpejen bɛl Korowii sɔn ta.”

Kaala 13:20

Baa le Sukot la, ba kaa baŋre ba tɛnte deene Etaam. O chɔ pua hɛŋle ɡbo harɛ ta nyoa bobɛl.

Kaala 38:26

Baala la bini bɛlbwa waa di bene fifraanɛ kɛɛ dɛ ɡwaa la, lɔ nɛra kaɡboŋa lafraanumɛl dɛ batoro, ne lafraanue fifraanue. Ba bini bɛlbwa kpɔ suuɡapoŋ fah ɡɛ baa maɡa bil Korowii Tɛnte Dea la dɛ kpɔ cha.

Nɛra Kura 1:2

“Kure Israel tena bwa. Kure dea bɛlbwa ne ba lolanar, dɛ́ chwerɛ baala bwa sɔna beŋkpoŋa beŋkpoŋa.

Nɛra Kura 1:46

Dɛ ba bwa lɔ nɛra kaɡboŋa lafraanumɛl dɛ batoro, lafraanue fifraanue.

Nɛra Kura 11:21

Belaa Mosis ŋɔ, “Nɛra n ne baa dɛ valɛ nɔ lɔ baala kaɡboŋa lafraanumɛl, ɡɛɛ he ŋɔ hɛɛ tɛɛ baa olaa korobibir bwa naa?

Nɛra Kura 2:32

Israel tena baa kure ba deene nɛra bwa laanee la. Dɛ he kpɔ debele atotoro baa kura la dɛ ja dɔŋa nɛ aa, ba bwa lɔ kaɡboŋa lafraanumɛl dɛ batoro lafraanue fifraanue.

Nɛra Kura 26:51

Israel baala bwa baa kur ba la lɔ kaɡboŋa lafraanumɛl dɛ beŋkpoŋ, lafraanuanɛ fifraatoro.

Nɛra Kura 33:3

Israel tena la iro le Rameses korobiloɡle la tɔpera fi dɛ anue ta, Galekaa Tɔpejen la habɔɔ tɔ aa pera la. Ba leɔ bambile bwa ne Ijipt tena la bwa siwi ta dɛ kaa.

Nɛra Kura 33:5

Israel tena la le Rameses dɛ ka baŋre ba tɛnte deene Sukot.