Kaala 12:31 - mzwDBL

³¹ Jwaana la tenten la, Ijipt kooro yerɛ Mosis ne Arɔn dɛ ŋɔ, “Hé kaa! He ne Israel tena bwa ir le harɛ nɔ ta. Hé kaa dɛ́ ka tomɛ Korowii ɡɛ haa soŋa la.

Kaala 12:31 ပူးပေါင်းရင်းမြစ်များ

Yela 105:38

Ijipt tena la sie lɛo kɛŋɔ Israel tena la aa dɛ kaa, dɛkalkɛ dɛ ba dɛ ɔm ba.

Kaala 10:29

Anee o chaŋo ŋɔ, “Kasinteŋii, maa he sie bonɔɔ ba kpa.”

Kaala 10:9

Asɛ Mosis chaŋe ŋɔ, “Ya bwaa dɛɛ ba kaala. Bechale ne hanjeni ne banjeni, ne bibaala ne bihaahna dɛ ya kondɛɛra bwa, dɛkalkɛ ya dɛ la ka di tɔpejen bɛl Korowii sɔn ta.”

Kaala 11:1

Asɛ Korowii berɛ ŋɔ Mosis be ŋɔ, “N dɛ ba deŋnetɛra beŋkpoŋ kpɔe ba ta Ijipt kooro la ne o nɛra nɛɛ ja. A habɔɔ la, wɛɛ ɡeloo he kaa. Doŋa kwaraa wɛɛ ba heyaa doŋa.

Kaala 11:8

He nomonome nɔ bwa ɛɛ berɔɔ ba n be, dɛ́ ba ɡuŋ mɛ dɛ́ ŋɔ ń kaa, n ne n nɛra bwa baa teŋɛ n nɛ. Ásɛ mɔɔ ń kaa.” Belaa Mosis kpɔ bandia kohona le kooro sie kaa.

Kaala 12:39

Ba kpɔ men baa ɛa dɛ le ane Ijipt la ɛ paanoo iisi aa wola toole a ta. Dɛkalkɛ baa doŋ ba le bela la, ba ta bɔr dɔe dɛ́ ɛ ba kondikwa bɛlbwa.

Kaala 6:1

Belaa Korowii ŋɔ Mosis be ŋɔ, “Taraken n dɛ ba ɡela he jemɛ waa maa dɛ ba kpɔe ɛ Ijipt kooro la. Aa che n kpeɡri taa ó tɛ n nɛra la ŋwɛnɛ bá kaa. Hale dɛ́ ɡel ó doŋ ba le o harɛ ta.”

Kaala 8:25

Belaa Ijipt kooro yerɛ Mosis ne Arɔn dɛ ŋɔ, “Hé ir kaa dɛ́ ka kpoo kwaa tɛ Korowii n harɛ ta bonɔ.”

Kaala 8:8

Belaa Ijipt kooro yerɛ Mosis ne Arɔn dɛ ŋɔ ba be ŋɔ, “Hé soŋe Korowii ásɛ o laa sapone nɔ kpɔ n ne n nɛra nɛ, ásɛ n tɛ he nɛra ŋwɛnɛ bá ka kpoo kwaa tɛ Korowii.”

1 Samoɛl 6:6

Ɛrɛɛ he deŋne do kpeɡri kɛŋɔ Ijipt kooro ne o nɛra nɔɔ? Hé lii ɡɛ Korowii fa aa tɛr ba deŋne kohona, dɛ ka tel kɛŋɔ baa tɛ Israel tena ŋwɛnɛ ba le Ijipt harɛ ta kaa la.