Kaala 12:3 - mzwDBL

³ Hé ŋɔ Israel tena be ŋɔ a ɡɛ korobie nɔ tɔpera fi ta la, bɛlbwa lawɛ pebie ó che tɛ o ne o dem tena. Dem te bɛlbwa lawɛ pebie beŋkpoŋ.

Kaala 12:3 ပူးပေါင်းရင်းမြစ်များ

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Lewi Dea Tena 5:6

dɛ́ lawɛ pelor kɛɛ bohlor le o kondɛɛra bini ba ɛ wechɔɡa kpɔe dɛ kɛ saraha, ásɛ sɔfo la kpɔ soŋe naate wechɔɡa n be, ásɛ n kpɔ kɛo.

Lewi Dea Tena 1:2

“Ŋɔ Israel tena la be ŋɔ, dɛ nomɛlbwa ŋɔ o ɛ saraha tɛ mɛ naa, ó kpɔ nao, pee kɛɛ booh le o kondɛɛra bini.

Amanesoma Jɔn Aa Chwera Tɔn 12:12

Tɔ aa pera la, nɛnlaa baa ba Jerusalam dɛɛ ba ba di Galekaa la noɔ kɛŋɔ Yeesu dɛ ba bela.

Amanesoma Jɔn Aa Chwera Tɔn 1:36

O na Yeesu o baa kaa, asɛ dɛ ŋɔ, “Hé na Korowii Pebie la!”

2 Webena 35:7

Kooro Josia lawɛ peera ne boohna kaɡboŋa fifraatoro, dɛ nae kaɡboŋa atoro tɛ nɛmpɛɛne la ŋɔ bá kpɔ ɛ Galekaa sarahare.

Nɛra Kura 15:11

Nabal bɛlbwa kɛɛ pebal, pebie kɛɛ bombie bɛlbwa la, ɡɛɛ chɛ kɛ he ɛo.

Kaala 12:6

Hé nyiŋa dɛ ka tel korobie nɔ tɔpera fi dɛ anaarɛ ta, a ɡɛ saŋee Israel tena ɛɛ ba a kpoora jɔmɔra.

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Kaala 4:30

asɛ Arɔn chaɡle wobɛlbwa Korowii aa bola baɡle Mosis la ba be. Mosis berɔ ɛ nyokpowe-ɛɛla la ba siwi ta,

Mumpar 22:8

Asɛ Abraham chaŋe ŋɔ, “N bie, Korowii ɡbaɡbaa dɛ́ tɛ pee maa kpɔ ɛ saraha la.” Ba nɛra banɛ la bwa berɛ tɛr do dɛɛ kaa.

Mumpar 4:4

Asɛ Ebel ɡe nyiŋi o peera la bini dɛ lawɛ a biloɡla la dɛ kpoora, asɛ dɛ kpɔ a bodɛɛɡa bɔra la ka ɛ saraha tɛ Korowii. Korowii sie lɛ saraha Ebel aa baa ɛ tɛo la ta taeh,

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

1 Samoɛl 7:9

Ate, Samoɛl lawɛ pebie o taa dɛ ɔr ba ɛ saraha, dɛ fuuh tɛ Korowii. O cheɡɛ Israel tena naa ta, dɛ wi yerɛ Korowii asɛ Korowii sɛh o nyoa.

Josua 7:14

Ŋɔ ba be ŋɔ chɔɔbɔr, denaa bɛlbwa tena ba n sie, dea bɛlbwa men Korowii aa lawɛ la, bá le ba n sie, dɛ́ le denaa ta ba n sie lolanar ta, ásɛ lolanar bɛlbwa nɛra maa lawɛ la, bá ba n sie beŋkpoŋa beŋkpoŋa.

Kaala 20:19

Anee ba ŋɔ Mosis be ŋɔ, “He ɡbabir bol waa ya be, yaa noo. Bɛ ɡel Korowii bol ásɛ ya ba serewe.”

Kaala 14:15

Anee Korowii ŋɔ Mosis be ŋɔ, “Ɛrɛɛ he wi dɛɛ yer mɛ nɔɔ? He te ŋɔ Israel tena la be ŋɔ bá pa sie dɛɛ la.

Amanesoma Jɔn Aa Chwera Tɔn 12:1

Aa baa ka tɔpera anumɛl bá di Galekaa Tɔpejen la, Yeesu berɔ ba Bɛtani dɛ la Lasorɔs la waa chumu seo ta la dem.

Kaala 12:2

dɛ ŋɔ, “Hé kpɔ korobie nɔ ɛ he korobiloɡle bena bɛlbwa.

Kaala 12:4

Dɛ dem bɛl nɛra aa kanɛ dɛ́ won chwe pebir la aa, ba ne dem waa bɛna ɛɛ won bɔne. Hé bɔna ɡɛ del aa chɛ kɛ bɛlbwa dɔ.

Kaala 12:21

Belaa Mosis yerɛ Israel nomonome la bwa cheme dɛ ŋɔ, “He bɛlbwa ka lawɛ pee kɛɛ booh waa ka kpo o ne o dem tena kpɔ di Galekaa la.

Ɛsekeɛl 40:1

Baa lawɛ yaa laa ta kaa bojaŋ harɛfale ta bene fifraanɛ dɛ anue ta, benfale tɔpera fi ta la, dɛ Jerusalam aa paɡra bene fi dɛ anaarɛ habɔɔ. Awola tɔpere laanee Korowii kpeɡri ba n nɛɛ dɛ kpɔ mɛ kaa Jerusalam.