Kaala 12:29 - mzwDBL

²⁹ Bɔr aa joa harambaŋa la, Korowii kpo Ijipt tena bibanloɡla bwa. O kpɔɔ le Ijipt kooro waa soɡe kara ta la bibanloɡle nɛ, dɛ ba nɛn baa lawɔ do dea bibanloɡle nɛ, dɛ kondɛɛra bwa ɡe biloɡla nɛ.

Kaala 12:29 ပူးပေါင်းရင်းမြစ်များ

Mumpar 15:14

Kɛ mɛɛ tɛr a ɡɛ harɛ la tena deŋnee. Ba ne bela lee dɛ ba la, kondɔɔh tenten nee baa ba bela lee ba.

Job Tɔn 34:20

Gɛ nɛmbele banɛ la bwa piɡro dɛɛ sewɛ harambaŋa, Korowii lɔ ba dɛɛ bil baa serewe, o dɛ le nomonjena la ne sɛmɛlɛŋ ken.

Yela 105:36

O kpoo Ijipt tena bibanloɡla bwa, dem bɛlbwa bibanloɡle ta kae.

Yela 135:8

O kpoo Ijipt harɛ nɛra biloɡla, ne kondɛɛra ɡe biloɡla.

Yela 136:10

Onee kpoo Ijipt harɛ bibanloɡla. O nyina lole saŋ bɛlbwa dɛɛ la.

Yela 78:50

O ta ɡelɛ o bandia nyoa sɔɔh, kɛɛ dɛ́ kpɔ ba bwara kɛ ba, o kpoo ba weechɔɡa ne.

Yela 78:51

O kpoo Ijipt harɛ bibanloɡla, dem bɛlbwa ta.

Kaala 11:1

Asɛ Korowii berɛ ŋɔ Mosis be ŋɔ, “N dɛ ba deŋnetɛra beŋkpoŋ kpɔe ba ta Ijipt kooro la ne o nɛra nɛɛ ja. A habɔɔ la, wɛɛ ɡeloo he kaa. Doŋa kwaraa wɛɛ ba heyaa doŋa.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Kaala 12:28

Asɛ ba la dɛ ka ɛ ɡɛ Korowii aa do Mosis ne Arɔn ŋɔ ba ɛ la.

Kaala 13:15

Ijipt kooro aa ɛ deŋnekpeɡ dɛ vɛh yaa ŋwɛnɛ tɛɛ ya kaa la, Korowii kpoo nɛra bii baa ɛ bibanloɡla ne kondɛɛre bɛlbwa biloɡle Ijipt harɛ ta. Anee ɡela n kpɔ n kondɛɛra biloɡla ambala dɛɛ tɛ Korowii, dɛ́ berɛ charɛ n bibanloɡle nyu la.’

Kaala 4:23

asɛ n ŋɔ he be ŋɔ, he tɛ n bibaa ŋwɛnɛ ásɛ o ka tom mɛ. Kɛ he vɛoh, anomanta, mɛɛ kpo he ɡe bibanloɡlee.”

Kaala 9:6

Tɔ aa pera la, Korowii ɛ ɡɛ waa bola la. Kondɛɛra aa ɛ Ijipt tena kwaa la bwa serewɔ. Kɛ anɔ la aa ɛ Israel tena kwaa la te, beŋkpoŋ kwaraa ta sewɛ.

Aesaya 24:22

Korowii ɛɛ lawɛ koranaree pɛ do dea, kɛŋɔ ba yon lawɛ wechɔɡ-ɛɛra dɛɛ do dea la, ásɛ a ba dɛ la sie ó tɛr ba deŋne.

Aesaya 41:11

Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Aesaya 51:14

Banɔ la baa do ba dea la, aa biɡri bá lee ba. Baa dea baa kwiu bɔɔ biro tenten do bela la binii serewe, á ba ɛ kɛŋɔ kondikwaa waa ɛɛ noo baa.

Jeremia 38:13

asɛ ba tɛr mɛ le kɔlɔŋ la bini ŋwɛɛra la ne. Asɛ n den ka do dembaah bela nɛra la aa dɛ daah la.

Jeremia 38:6

Anomanta, ba lawɛ men Jeremia dɛ kpɔ mɛ ta kooro bibaa Malkija kɔlɔŋ bini. Dɛ o lɔ kooro dembaah bela nɛra la aa dɛ daah la. Ŋwɛɛraa ba kpɔ vɔɡ mɛ dɛ kpɔ mɛ tu kɔlɔŋ la bini. Dɛ nee toole o bini, kpechɛɡre ɡboo, asɛ n ka jo a ta.

Habakuk 3:5

Weechɔɡa tɔ he sie, asɛ he ŋɔ seo be ŋɔ ó teŋɛ he nɛ.

Sekaria 9:11

Korowii ŋɔ, “Kɛ he te, kwaa haa kpoora dɛ ɛ saraha tɛ mɛ la, a chal nee n ne he fɔwɛ fɔo, anomanta, mɛɛ lawɛ he nɛraa le bɔɔ baa kaa do ba o bini nee aa wola toole bela la ta.

Nɛra Kura 3:13

N kpɔ Lewi dea tena le Israel tena bini, dɛ kpɔ chiɡ Israel bibanloɡle naa ta, ba ɛ n kwa. Menee Korowii.”

Nɛra Kura 33:4

Dɛ Ijipt tena la dɛ huɡe ba bibanloɡla Korowii aa kpoo ba ba deremi ta dɛ kpɔ baɡle o kpeɡri waa dɔa ɡwaa ba voɡa.

Nɛra Kura 8:17

Gɛ saŋ n fa aa kpo Ijipt tena bibanloɡla la taa n le Israel tena bibanloɡla, hale ba kondɛɛra biloɡla bwa, ba ɛ n kwa.

Hibru 11:28

Mosis aa dɛ yarada Korowii waa o pa Galekaa Tɔpejen la dii mun, dɛ ɡel Israel tena ɛ chal lɔ ba ɡbeni, ásɛ Korowii nyundua torome waa dɛ kpoo Ijipt tena bibanloɡla la na dɛ bɛ ba te bibanloɡla kpoo.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.