Kaala 12:27 - mzwDBL

²⁷ hé ŋɔ ba be ŋɔ, ‘Galekaa saraha taa Korowii kpoo Ijipt tena bibanloɡla bwa ba deremi ta, dɛ ɡale ya Israel tena deremi ta kaa.’ ” Mosis aa bol waa tonɛ la, Israel tena ɡuŋo dɛ tomɛ Korowii.

Kaala 12:27 ပူးပေါင်းရင်းမြစ်များ

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

2 Webena 20:18

Asɛ Kooro Jehosafat ɡuŋi dɛ kpɔ sie pi harɛ. Asɛ nɛra la ɡe bwa ɡuŋi dɛ jam Korowii.

2 Webena 29:30

Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.

Nehemia 8:6

Anee Ɛsra ŋɔ, “Hé kpɛɛ Korowii waa ɛ Korowijen la.” Asɛ nɛra la bwa ir nɔɔra nyundua dɛ ŋɔ “Aamen, Aamen” Ba ɡuŋo, dɛ kpɔ sie pi harɛ dɛ tomɛ Korowii.

Yela 44:1

N Naa Korowii, ya noa deŋne ne, ya naawa bol wejena haa ɛa, ba bere saŋ la ya be.

Yela 78:5

O kpɔ o Mmarare tɛ Israel tena baa ɛ Jekɔb naanar, a do le tɛɛ ba. O baɡle ya naawa ŋɔ, bá kpɔ baɡle ba ɡe bii,

Kaala 10:2

ásɛ kerekere he bol baɡle he bii ne naanar ɡɛ maa do Ijipt tena sibeɡra dɛ ɛ nyokpowe-ɛɛla la, ásɛ ba jemɛ kɛŋɔ menee Korowii.”

Kaala 12:11

Gɛ haa dia laanee nɔ. Hé bini bɛlbwa kpɔ o batakaarejaŋ dɛ́ kpɔ kiriso vɔwɛ o ta, dɛ́ do naŋɡawa ásɛ dɛ kpoŋe o daŋɡbala kɛŋɔ waa dɛ ba ŋwɛnɛ bɛl kaala. Warane ɡee chɛ kɛŋɔ hé dia. Anee ɛ Galekaa kondikwa haa dɛ ba dii n sɔn ta.

Kaala 12:23

Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.

Kaala 12:28

Asɛ ba la dɛ ka ɛ ɡɛ Korowii aa do Mosis ne Arɔn ŋɔ ba ɛ la.

Kaala 13:14

Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Kaala 13:8

Awola haa dɛɛ di tɔpere la, hé ŋɔ he bii be ŋɔ, ‘Korowii kpeɡri ne bokpeɡa waa kpɔa lɛ yaa le Ijipt harɛ ta la waa yaa ɛ ɡɛ.’

Kaala 34:25

Hé dɛ ba kon kpoe ɛ saraha tɛ mɛ naa, he bɛ komɛlbwa iisi aa koo o ta kpɔ ja. He bɛ ɡel Galekaa kondikwaa haa kpɔa ba ɛ saraha la ka tɔɔ per a ta.

Kaala 34:8

Belaa Mosis ɛ warane dɛ kpɔ o sie pi harɛ dɛ duu Korowii.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

Mmarare 16:2

He bɛlbwa lawɛ o pee kɛɛ nao le o kondɛɛra bini, ásɛ dɛ kpɔ la bela Korowii aa lea tɛ heyaa ŋɔ hɛɛ tomɔ la, dɛ́ kpɔ ɛ Galekaa Tɔpejen saraha tɛ Korowii o sɔn ta.

Mmarare 16:5

He bɛ Galekaa kondɛɛre la kpo bwɛɛ bɛlbwa Korowii haa dɛ tomɔ aa kpɔa dɛɛ tɛ heyaa la ta.