Kaala 12:23 - mzwDBL

²³ Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.

Kaala 12:23 ပူးပေါင်းရင်းမြစ်များ

2 Samoɛl 24:16

Dɛ Korowii le o nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ nyundua torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

Job Tɔn 14:13

N Naa Korowii, n dɛ nyin kɛŋɔ he laɡ mɛ sɔh lalabwɛ, dɛ́ ɡel n do bela ka tel saŋ he bandia nyoa aa sɔɔh, ásɛ he lii n waa tɔpetooro bɛl.

Kaala 11:4

Belaa Mosis ŋɔ Ijipt kooro be ŋɔ, “Kenii Korowii ɛɛ bol, dɛ wɛɛ valɛ harɛ nɔ bwa ta harambaŋaa,

Kaala 12:7

Ásɛ ba kpɔ a chale la ane ɛ ba doonyoo daa nyundua, ne a keŋkeŋni dem bela baa dɛ ba ola la chwee la.

Aesaya 26:20

Anomanta, n nɛra, hé ka jo he deene, dɛ́ laa ɡbeni tɔ he nɛ. Hé kpɔ he te sɔh tama ka tel kɛŋɔ Korowii baah aa sɔɔhna.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

1 Kɔrent 10:10

Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.

Hibru 11:28

Mosis aa dɛ yarada Korowii waa o pa Galekaa Tɔpejen la dii mun, dɛ ɡel Israel tena ɛ chal lɔ ba ɡbeni, ásɛ Korowii nyundua torome waa dɛ kpoo Ijipt tena bibanloɡla la na dɛ bɛ ba te bibanloɡla kpoo.

Hibru 12:24

Yeesu bee he ba. On cheɡɛ nɛwɛnyini ne Korowii baah ta dɛ fɔwɛ fɔofale la. Bela waa kpɔ o chal merɛ laanee he ba. O chal soŋe wedɛɛɡa dɛɛ tɛ yaa. A ta do kɛŋɔ Ebel chal aa ba taahna ne la.

Wepila 7:3

“Hé ɡel harɛ ne mpo ne daa la chɔɡa ka tel kɛŋɔ, yaa do Korowii bonɔɔna ne toli nso ba tili ta tonɛ mɔɔ.”

Wepila 9:4

dɛ ŋɔ a be ŋɔ a bɛ harɛ nɔ ta kpɔɡa kɛɛ papooni kɛɛ daa bɛlbwa chɔɡ, kɛ á dorome nɛra baa wola Korowii nso la dɔe ba tili ta la.