Kooro Sɛksɛs kora dii bene fi dɛ anɛ Nisan korobie ta la, Heeman ɡelɔ ba bil daa o sie, dɛ́ lawɛ korobie ne tɔpere waa wera tɛo, ó kpɔ ɛ waa waa vɔrɔwa la. Korobie baa lawɔ laanee Nisan korobie.
Korobie waa tɔ sie la, tɔpera fi dɛ anaarɛ ta jɔmɔra, hé pa mun di paanoo iisi aa wola toole a ta ka tel korobie la tɔpera fifraanɛ dɛ beŋkpoŋ la ɡe jɔmɔra.
Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.
Hé di Paanoo Iisi Aa Wola Toole A Ta Tɔpejen la. Tɔpera anuanɛɛ chɛ kɛŋɔ hé di paanoo iisi aa wola toole a ta ɡɛ maa do heyaa la. Hé di tɔpejen nɔ tɔpera maa lea cheɡ tɛ heyaa ta Abib korobie la ta, dɛkalkɛ ɡɛ korobie la taa he le Ijipt harɛ ta. Bɛlbwa bɛ nɔŋɡbala kpɔ ba n sie.
Hé di Paanoo Iisi Aa Wola Toole a ta Tɔpejen la. Tɔpera anuanɛɛ chɛ kɛŋɔ hé dia ɡɛ maa do heyaa la. Hé dia benanyoa bɛlbwa tɔpera maa lea cheɡ Solchɛɡɛ korobie ta dɛkalkɛ o taa he le Ijipt harɛ ta.
Waa Nemenɛ Korowii aa dɛ bol laanee nɔ. Korobiloɡle la tɔpere waa tɔ sie ta, a chɛ kɛ he lawɛ nabale waa wola kirihiah bɛlbwa dii dɛ́ kpo, dɛ́ ba laa doŋa kpɔ n Dea la ta.
