Kaala 12:15 - mzwDBL

¹⁵ Hé di paanoo iisi aa wola toole a ta tɔpera anuanɛ. Tɔpere waa tɔ sie la, hé laa iisi bɛlbwa kpɔ he deene bini. Nomɛlbwa waa di paanoo iisi aa do o ta a ɡɛ tɔpera nɔ ta la, dɛ o ta n nɛra baa ɛ Israel tena la bini jae kpa.

Kaala 12:15 ပူးပေါင်းရင်းမြစ်များ

Mumpar 17:14

Bɛlbwa waa wola o pen teŋe la ta n nɛra nɛɛ jae kpa, dɛkalkɛŋɔ o ta n fɔo la ta teŋɛ.”

2 Webena 30:21

Israel tena aa baa cheme Jerusalam la, ba di Paanoo Iisi Aa Wola Toole a ta Tɔpejen la silɛɛ kohona ne, tɔpera anuanɛ. Asɛ Lewi dea tena ne sɔfore ɡe kpɔ kwaa bwa soo siwi baa kpɔa dɛɛ hɛlɛ lɔ yela, dɛɛ kpɛɛ Korowii kohona tɔpere bɛlbwa, bokpeɡa bwa ne.

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Kaala 12:8

Awola jwaana la tenten la, bá wɔɔ ola la, dɛ́ kpɔ papooni aa kpela ne paanoo baa wola iisi a ta doe la ja a ta dɛ́ di.

Kaala 13:3

Belaa Mosis ŋɔ nɛra la be ŋɔ, “Hɛ́ɛ lii a ɡɛ tɔpere nɔ haa kpɔa le Ijipt harɛ he fa aa dɛ di somanjiri o ta la, dɛkalkɛ Korowii kpeɡri ne o bokpeɡaa o kpɔ lɛ heya. He bɛ paanoo iisi aa lɔ o ta di.

Kaala 23:15

Hé di Paanoo Iisi Aa Wola Toole A Ta Tɔpejen la. Tɔpera anuanɛɛ chɛ kɛŋɔ hé di paanoo iisi aa wola toole a ta ɡɛ maa do heyaa la. Hé di tɔpejen nɔ tɔpera maa lea cheɡ tɛ heyaa ta Abib korobie la ta, dɛkalkɛ ɡɛ korobie la taa he le Ijipt harɛ ta. Bɛlbwa bɛ nɔŋɡbala kpɔ ba n sie.

Kaala 30:33

Nomɛlbwa waa ɛ konsɔɔhsoma nɔ siwi, kɛɛ dɛ fuɡe ane do nomɛlbwa waa wola sɔfo ɛɛ nyu ta la, a chɛ kɛŋɔ bá le o ne o nɛra bini.”

Kaala 30:38

Nomɛlbwa waa koah kɛŋɔ a sɔɔh som o be dɛ ɛ a chaa dɛɛ fuah la chɛ kɛŋɔ, bá le o ne o nɛra bini.”

Kaala 31:14

Hɛ́ɛ di Ona Tɔpere la, dɛkalkɛ o do ɡoroŋ dɛ tɛ heya. He bini bɛlbwa waa chɔɡ tɔpere nɔ la chɛ kɛ bá kpoo. Nomɛlbwa ɡe waa ɛ toma o ta chɛ kɛ bá teŋo le o nɛra bini.

Kaala 34:18

Hé di Paanoo Iisi Aa Wola Toole a ta Tɔpejen la. Tɔpera anuanɛɛ chɛ kɛŋɔ hé dia ɡɛ maa do heyaa la. Hé dia benanyoa bɛlbwa tɔpera maa lea cheɡ Solchɛɡɛ korobie ta dɛkalkɛ o taa he le Ijipt harɛ ta.

Kaala 34:25

Hé dɛ ba kon kpoe ɛ saraha tɛ mɛ naa, he bɛ komɛlbwa iisi aa koo o ta kpɔ ja. He bɛ ɡel Galekaa kondikwaa haa kpɔa ba ɛ saraha la ka tɔɔ per a ta.

Lewi Dea Tena 17:10

Israel te, kɛɛ hɔɔh bɛlbwa waa soɡe he bini dɛɛ di ol chal la, n sie ɛɛ beɡre naate nɛɛ dɛ́ pero le o nɛra bini.

Lewi Dea Tena 17:14

dɛkalkɛ komɛlbwa mkpa lɔ o chal ta. A waa n ŋɔ Israel tena be ŋɔ bɛlbwa bɛ ol ne o chal di la. Nomɛlbwa waa ɛ ɡɛ la, mɛɛ pero le n nɛra bini.

Malakae 2:12

Kórowii le baa te bɛlbwa waa dɛɛ ɛ ɡɛ waa nɔ le Israel tena bini, hale dɛ naate sɛoh ŋɔ wɛɛ kpɔ saraha kwaa baa tɛ Koranar Bwa Kooro kwaraa noo.

Nɛra Kura 28:17

Korobie la tenten tɔpera fi dɛ anue la ɛ tɔpejen haa lɛ sie o ta. Hé di paanoo iisi aa wola toole a ta la tɔpera anuanɛ.

Nɛra Kura 9:13

Dɛ nomɛlbwa ta doŋa kaeh, o ta bobɛlbwa ɡe kaalɛ dɛ saah vɛh tɔpejen la dii yaa, baa naatee kure ja n nɛra nɛɛ kpa, dɛkalkɛŋɔ o ta o saraha kwaa kpɔe ba tɛ men Korowii a saŋ ta. Naate nyin waa dawɛ o nɛ, dɛ chɛ deŋnetɛra.

Matiu 16:12

Name o habɔteŋra la ta no waa la mun kɛ iisi baa kpɔa dɛɛ ɛ paanoo waa laa wɛɛ ja ba la, kɛ Farisii tena ne Saduki tena webaɡla la taa wɛɛ ja ba.

Amanesoma Luk Aa Chwera Tɔn 12:1

Aa ɛ tama la, nɛra kaɡboŋa baa cheme Yeesu sie. Baa wara nomanta, dɛ ba dɛ tiɡri dɔŋa nakpale ta. Belaa Yeesu tɔ sie bol waa o habɔteŋra la be dɛ sɛɡ ba ŋɔ, “Hé nyiŋi he te kɛrɛdɛ Farisii tena iisi wa. Nɛra sie baa nyiŋi dɛɛ ɛ wa.

Amanesoma Luk Aa Chwera Tɔn 2:43

Baa di tɔpere la tonɛ dɛ berɛ dɛɛ kaa ba bwɛɛ la, Yeesu pere o te le ba nɛ, dɛ ka mun so Jerusalam, dɛ o nya ne mɛɛ ta jemɛ.

We-ɛɛla 12:3

Waa ɛ ɡɛ dɛ na kɛŋɔ a lɛ Juu tena sie la, belaa o ɡel ba lawɛ Pita ɡe. Paanoo Iisi Aa Wola Toole a ta Tɔpejen dii taa a ɡɛ waa nɔ chiɡ.

Galaasia 5:12

A ka n te wa aa, nɛra baa dɛ wili heyaa ŋɔ hé teŋe he pena la, ba dɛ nyin aa, bá fɔɡɛ ba lure ɡe.

Mmarare 16:3

He bɛ paanoo baa do iisi a ta la kpɔ ja Galekaa ol la ta dɛ́ di. Hé di paanoo baa wola iisi a ta doe la teŋɛ dɔŋa nɛɛ tɔpera anuanɛ, ɡɛ haa ɛa Ijipt harɛ a ba kɛ he le bela wɔrɔbe nɛɛ la. Hɛ́ɛ yerɔ wahala paanoo, ásɛ dɛ kpɔ dɛɛ lii he soɡa bini bwa tɔpere haa le Ijipt harɛ ta la.

Mmarare 16:5

He bɛ Galekaa kondɛɛre la kpo bwɛɛ bɛlbwa Korowii haa dɛ tomɔ aa kpɔa dɛɛ tɛ heyaa la ta.

Mmarare 16:8

Tɔpera anumɛl aa tɔ sie la, he bɛ paanoo baa do iisi a ta di, ásɛ tɔpenuanɛ wee la he bɛ toma ɛ. Hé bwa cheme dɛ́ tomɛ Korowii haa dɛ tomɔ nɔ.”