Kaala 11:5 - mzwDBL

⁵ ásɛ dɛ kpoo Ijipt tena bibanloɡla bwa. Dɛ́ le kooro waa soɡe kara ta bibanloɡle nɛ, dɛ́ ba le yomhaah waa lɔ nam ta bibanloɡle nɛ dɛ nae biloɡla.

Kaala 11:5 ပူးပေါင်းရင်းမြစ်များ

Yela 105:36

O kpoo Ijipt tena bibanloɡla bwa, dem bɛlbwa bibanloɡle ta kae.

Yela 135:8

O kpoo Ijipt harɛ nɛra biloɡla, ne kondɛɛra ɡe biloɡla.

Yela 136:10

Onee kpoo Ijipt harɛ bibanloɡla. O nyina lole saŋ bɛlbwa dɛɛ la.

Yela 78:51

O kpoo Ijipt harɛ bibanloɡla, dem bɛlbwa ta.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Kaala 12:29

Bɔr aa joa harambaŋa la, Korowii kpo Ijipt tena bibanloɡla bwa. O kpɔɔ le Ijipt kooro waa soɡe kara ta la bibanloɡle nɛ, dɛ ba nɛn baa lawɔ do dea bibanloɡle nɛ, dɛ kondɛɛra bwa ɡe biloɡla nɛ.

Kaala 13:15

Ijipt kooro aa ɛ deŋnekpeɡ dɛ vɛh yaa ŋwɛnɛ tɛɛ ya kaa la, Korowii kpoo nɛra bii baa ɛ bibanloɡla ne kondɛɛre bɛlbwa biloɡle Ijipt harɛ ta. Anee ɡela n kpɔ n kondɛɛra biloɡla ambala dɛɛ tɛ Korowii, dɛ́ berɛ charɛ n bibanloɡle nyu la.’

Kaala 4:23

asɛ n ŋɔ he be ŋɔ, he tɛ n bibaa ŋwɛnɛ ásɛ o ka tom mɛ. Kɛ he vɛoh, anomanta, mɛɛ kpo he ɡe bibanloɡlee.”

Aesaya 47:2

Ka namɛ men nam ta, laa kon haa kpɔa bɔle sie la kpɔ, dɛ́ laa yal ɡbaa he hwie ta, dɛ́ jo neerare le a baŋ.

Wiile 5:13

Ba ɛɡre bonɔɔna baa namɛ boyu kɛŋɔ yoma ken, bibaala ɡe che datɔɡa dɛɛ kɛŋle.

Matiu 24:41

Haahna banɛ ɛɛ pɛo dɛɛ namɛ kwaa nambwe ta, bá ba kpɔ beŋkpoŋ kaa, dɛ́ ɡel bɛl bela.

Hibru 11:28

Mosis aa dɛ yarada Korowii waa o pa Galekaa Tɔpejen la dii mun, dɛ ɡel Israel tena ɛ chal lɔ ba ɡbeni, ásɛ Korowii nyundua torome waa dɛ kpoo Ijipt tena bibanloɡla la na dɛ bɛ ba te bibanloɡla kpoo.

Sitɔɔla 16:21

Filisti tena la lawɔ, dɛ foromi o sibie dɛ kaa o ne Gasa. Ba doo ayaawa jɔɡrɔre dɛ doo dea, dɛ ɡel wɛɛ namɛ kwa.