Kaala 11:1 - mzwDBL

¹ Asɛ Korowii berɛ ŋɔ Mosis be ŋɔ, “N dɛ ba deŋnetɛra beŋkpoŋ kpɔe ba ta Ijipt kooro la ne o nɛra nɛɛ ja. A habɔɔ la, wɛɛ ɡeloo he kaa. Doŋa kwaraa wɛɛ ba heyaa doŋa.

Kaala 11:1 ပူးပေါင်းရင်းမြစ်များ

Mumpar 15:14

Kɛ mɛɛ tɛr a ɡɛ harɛ la tena deŋnee. Ba ne bela lee dɛ ba la, kondɔɔh tenten nee baa ba bela lee ba.

Job Tɔn 10:17

Saŋ bɛlbwaa he kpɔ wefala dɛɛ dawɛ n nɛ, he bandia teŋɛ dɛɛ ɡwaa n nɛ, dɛ na vɔrɔwe wefala dɛ́ ba yoo mɛ.

Kaala 12:29

Bɔr aa joa harambaŋa la, Korowii kpo Ijipt tena bibanloɡla bwa. O kpɔɔ le Ijipt kooro waa soɡe kara ta la bibanloɡle nɛ, dɛ ba nɛn baa lawɔ do dea bibanloɡle nɛ, dɛ kondɛɛra bwa ɡe biloɡla nɛ.

Kaala 3:20

Anomanta, mɛɛ che n kpeɡri taa dɛ́ ɡel Ijipt tena na n nyokpowe-ɛɛla maa dɛ́ ba ɛɛ ba bini la, mɔɔ ó ɡel he kaa.

Kaala 6:1

Belaa Korowii ŋɔ Mosis be ŋɔ, “Taraken n dɛ ba ɡela he jemɛ waa maa dɛ ba kpɔe ɛ Ijipt kooro la. Aa che n kpeɡri taa ó tɛ n nɛra la ŋwɛnɛ bá kaa. Hale dɛ́ ɡel ó doŋ ba le o harɛ ta.”

Kaala 9:14

A laa ɡe aa, mɛɛ tɛr he ne he nomonome ne he nɛra deŋnee á ɡwaa kohona, ásɛ he jemɛ kɛŋɔ nomɛlbwa toole dɛ do kɛŋɔ men harɛ nɔ bwa ta.

Lewi Dea Tena 26:21

He ta teŋɛ he deŋnekpeɡ la ta haa n waa ta teŋaa, mɛɛ berɔɔ ja he deŋnetɛra la ta bele anuanɛ.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Wepila 16:9

dɛɛ nyaa nɛra, dɛkalkɛŋɔ o nyɛɡre taeh, asɛ baa bol Korowii waa dɔ kpeɡri hɔhɔrɔwa la nɛɛ nɛnhɛlwa. Ba ta ba liire charɛ dɛ le ba wechɔɡa ta. Ba ta on jirima tɛɛ.

1 Samoɛl 6:4

Filisti tena la bɔɔrɔ ja ŋɔ, “Bolchɔɡe dii saraha besoo yá kpɔ ka tɛo wɔ?” Ate, ba chaŋe ŋɔ, “Hé kpɔ suuɡaswɛm loɡɛ konɡuleɡule anue kɛŋɔ ɔɡra, dɛ́ kpɔ ane ɡe loɡɛ kwaane kɛŋɔ mari anue, ásɛ a che tɛ Filisti koranar banue la, dɛkalkɛ he ne ba bwaa weechɔɡa la lawɛ.