Kaala 10:23 - mzwDBL

²³ Nomɛlbwa aa won o dɔŋ na á ba ɛ kɛŋɔ wɛɛ iruu le bela waa soɡa tɔpedɛɛɡa atoro. Kɛ dɛ bɔr chaah Israel tena la te be.

Kaala 10:23 ပူးပေါင်းရင်းမြစ်များ

Kaala 14:20

dɛ do Ijipt laa tena ne Israel laa tena baah ta. Awola jwaana la, bam la baa tɔ baŋ bɛl, baŋ bɛl tena do biro ta asɛ bɔr chaah baŋ bɛl tena ɡe be. Anomanta, bɛlbwa ta wone la o dɔŋ be awola jwaana la bwa.

Kaala 7:25

Korowii aa ɡela nee la berɛ chal la, a yawanyoa habɔɔ o berɛ bol waa Mosis be.

Kaala 8:18

Dobodobo tena la ɛ ba we-ɛɛla bwa baa ɛ dɛ ɡe ɡel konjeɡre ba kahonɛ. Dɛ konjeɡre la tɔ nɛra ne ola bwa nɛ.

Kaala 8:19

Anee dobodobo tena la ŋɔ kooro la be ŋɔ, “Korowii we-ɛɛlaa nɔ noo!” Kɛ ane a bwa, dɛ Ijipt kooro deŋne ta kpeɡri o vɛh waa la noe, ɡɛ Korowii aa bola la.

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Kaala 9:26

Gosen harɛ, bela Israel tena aa soɡa la ɡboo a ta leere.

Kaala 9:4

Kɛ Korowii ɛɛ kpɔ nɔnee tɔ Israel tena kondɛɛra nɛɛ ásɛ a te bɛ serewe á baɡle kɛ o nɛra korɔ.”

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Emɔs 4:7

Menee ɡela bwaala ɡel nɛɛ, ɡɛ saŋ aa ka korobie atoro he komɛ koo koŋkwaare. N ɡelɔ bwaala nɛ bwɛɛ beŋkpoŋ ta, dɛ ɡel o ta bɛl te ta nɛɛ. O nɛ koo bɛl ta, bɛl ta bwaala dɔe, harɛ hol.

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

Josua 24:7

Ba wio no men Korowii ŋɔ ń cha ba, asɛ n ɡel bɔr bir ba ne Ijipt tena la baah ta. Anee n ɡel mpo la nee su ba bɔle ba nɛ. He ɡbabir na ɡɛ maa ɛ Ijipt tena la. Asɛ he so pua hɛŋle ɡbo harɛ ta dɛ biɡri taeh.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.