Kaala 1:17 - mzwDBL

¹⁷ Haahna la baa dɛ lɛ haahna lol la dɛ ɔmɛ Korowii, anomanta, ba ta ɡɛ Ijipt kooro aa ŋɔ ba be la ta teŋɛ. Ba ɡelɔ bii la do le.

Kaala 1:17 ပူးပေါင်းရင်းမြစ်များ

Mumpar 20:11

Asɛ Abraham chaŋe ŋɔ, “N liiro kɛŋɔ nomɛlbwa toole dɛɛ ɔmɛ Korowii baah bonɔ. Dɛ n dɛ ɔmɛ kɛŋɔ baa koh n haah waa dɛ́ kpo mɛ.

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

2 Samoɛl 24:4

Kooro Devid waa la tɔɔɡe Joab ne laa nomonome la waa la ta, anomanta, ba le kooro sie bela kaa dɛ ka chwerɛ Israel baala baa dɛ ba wona yo la sɔna.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Ɛsta 3:3

Belaa Mɔdekae nomondɔŋa baa lɔ koodem la bɔɔro ŋɔ, “Ɛrɛɛ kooro do yaa ŋɔ yáa duu Heeman, he te aa wola a ta teŋɛ nɔɔ?”

Yela 31:19

Nɛra baa dɛ ɔmɛ la, he kwaa kondɛɛɡa aa wera cheɡ ba. Nɛra baa chwaa baa marɛ la, he kpɔ waa aa wera dɛɛ tɛɛ ba.

Kaala 1:18

Belaa Ijipt kooro la yer ba dɛ bɔɔ ba ŋɔ, “Ɛrɛɛ hɛɛ ɡel bii la haa wola ban kpoo nɔɔ?”

Kaala 1:21

Haahna baa dɛ lɛ lol la aa ɛ ɡɛ nomanta, Korowii ɛɛ ba andɛɛɡa dɛ ɡel ba dɔ bii.

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Daneɛl 6:13

Asɛ ba ŋɔ kooro be ŋɔ, “Daneɛl waa ja nɛra baa laɡ ba le Juda harɛ bojaŋ ba la aa hen duu, waa mmara haa doa la ɡe ta teŋɛ. O ta dɛ soŋe Korowii tɔpere bɛlbwa keraatoro.”

Hosia 5:11

Ba dɛ fiiɡi Israel tena, ba pa ba bolchɔɡe dɛ tiɡ ba do harɛ, hwɛɡa baa dɛ hwɛɡɛ voɡsale ta la wa.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Amanesoma Luk Aa Chwera Tɔn 12:5

Kɛ mɛɛ baɡle heyaa naate aa chɛ kɛŋɔ hɛ́ɛ ɔmɛɛ. Hɛ́ɛ ɔmɛ Korowii waa dɔ kpeɡri dɛ́ won kpo heya, dɛ́ berɛ won kpɔ heyaa kaa Bɔnsam nii ta la. Onee chɛ kɛŋɔ hé ɔmɛ.

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.

1 Samoɛl 22:17

Belaa kooro la ŋɔ nɛra baa dɛ daahno dɛ che o baŋ bɛl la be ŋɔ, “Hé berɛ he te dɛ́ kpoo Korowii sɔfore nɔ, dɛkalkɛ ba ɡe teŋɛ Devid nɛ. Ba jemɔ kɛ o dɛ chwa, kɛ ba ta n be bolɛ.” Kɛ dɛ nɛra baa dɛ daah kooro la aa nyin kɛ bá kpoo ba.