Kaala 1:14 - mzwDBL

¹⁴ Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

Kaala 1:14 ပူးပေါင်းရင်းမြစ်များ

Mumpar 15:13

Belaa Korowii ŋɔ o be ŋɔ, “Jemɛ kɛŋɔ he naanar ɛɛ ka ɛ hɔɔhra nɛra bane harɛ taa, dɛ́ ɛ yoma, ásɛ ba ɛɛ ba hɔhɔrɔwa bene lafraanaarɛ.

1 Koranar 12:14

O kpɔ o bala o ne baa ira la jae la dɛ ŋɔ, “N mɛɛ ɡelɔ he ɛ tomkpeɡa, kɛ n te ɛɛ ɡeloo a ɡwaa ɡɛ. Chweremi nee o tɛr he deŋne, kɛ n te ɛɛ kpɔ balansoo tɛr he deŋne!”

Yela 129:1

N bonɔɔne saŋ bwaa ba le fiɡ mɛ kohona. Israel tena, hé chaŋe ŋɔ,

Yela 68:13

Nɛra baa kaa dɛ do bela dɛɛ daah peera la, dɔ suuɡapoŋa baa kpɔa dawɛ kwehre kena ta. Suuɡaswɛm dawɛ a kena nyoo dɛɛ nyɛɡle.

Yela 81:6

“N lɛ he bone haa cheɡa dɛɛ koh, dɛ choɡ he bontɔɡa cheɡ harɛ.

Kaala 1:11

Anomanta, ba le nomonome ba chɔ ba nyoa, dɛ do ba baa ɛ tomkpeɡa. Dɛ ɡel ba do bwɛjena Petɔm ne Rameses, dɛɛ cheɡ kondikwaa a bini dɛɛ tɛ kooro.

Kaala 1:13

Ijipt tena ta ɡelɛ ba sie lɛ ba soɡa bini, ba do ba baa ɛ tomkpeɡa.

Kaala 1:15

Dɛ haahna bane lole baa yer ba Sifra ne Pua baa dɛ lɛ Hibru haahna lol. Awola bɛl, Ijipt kooro la ŋɔ ba be ŋɔ,

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Kaala 6:9

Mosis bol ɡɛ waa nɔ baɡle Israel tena la kɛ, bambichɔɡ kohona ne ba dochɔɡa la nomanta, ba ta noɛ.

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Aesaya 10:24

A ɡɛ nomanta, Korowii, Koranar Bwa Kooro dɛ bol ŋɔ, “N nɛra haa lɔ Saayɔn, hale dɛ Asiiria tena kpɔ daa dɛɛ lɔɔ heyaa ɡɛ Ijipt tena fa aa ɛ heyaa la aa, hé bɛ ban ɔmɛ.

Aesaya 14:6

Banee kpɔ bwaawee dɛ do nɛra ba ta ba lɔɔra ɡelɛ bwa, harɛre nɛra baa pɔ ba nɛɛ la, ba ta ba fiiɡa ɡelɛ bwa.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Aesaya 52:5

Bɔkwa waa nɔ jaɔ? Babelɔn tena lawɛ n nɛra bwa kaa pɛɛpɛɛ, ba ka do ba lɔɡa, ba siwi sa ba. Ba dɛ bol mɛ nɛnhɛlwobol saŋ bɛlbwa.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Lewi Dea Tena 25:43

Hé ɔmɛ Korowii haa dɛ tomɔ, ásɛ dɛ bɛ ban fiiɡi.

Lewi Dea Tena 25:46

dɛ́ kpɔ ba do he bii ɡe nɔn ta kɛŋɔ he kapɛrɛ kwa, ásɛ baa tom ba dɛ ka tel saŋ baa ba serewe. Kɛ hɛɛ berɛ he bala Israel tena fiiɡa.

Lewi Dea Tena 25:53

Nɛŋhɔɔh la nyiŋi naate kɛ o bonɔɔ waa kpɔɔ dɛɛ bɔɔ kem benanyoa bɛlbwa ken. Nyiŋi kɛŋɔ haa on fiiɡa bɛlbwaa fiiɡi.

Maeka 3:3

He dɛ chwe ba ola dɛɛ swe ba bɔtɔne, dɛ chɛwɛ ba hoɡa jeɡrejeɡre, kɛŋɔ ba yon chɛwɛ ola do vii bini la ken.”

Neehum 3:14

Hé dɔ nee cheɡ kohona, tɔe baa dɛ ba ba tɔ heyaa do la wa. Hé nyiŋi he dekpeɡa ta a do kpeɡri. Hé ɡbɛr teera dɛ́ saa a lawɛ, dɛ́ kpɔ he te dɛ́ teŋe berekese.

Nɛra Kura 20:15

Gɛ ya naawa aa kaa Ijipt harɛ ta, asɛ ya ka bela biɡri, Ijipt tena fiiɡi yaa,

We-ɛɛla 7:19

Dɛ o dɛ neɡ ba dɛɛ ɛɛ ba nyubinikpeɡ, dɛɛ fiɡ ba, dɛ ɡel ba kpɔ ba bechasɔɔhne kaa ta baa serewe.

We-ɛɛla 7:34

N na fiiɡa Ijipt tena aa dɛ fiiɡi n nɛra Ijipt harɛ ta, dɛ no ba wii baa dɛ wi la bwa ɡe. A balaa n ba ŋɔ ń ba lɛɛ ba ta la. Anomanta, n dɛ ba he toma Ijipt harɛ.’

Mmarare 26:6

Ijipt tena la fiiɡi yaa dɛ ɡel ya ɛ tomkpeɡa dɛ na wahala.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Rut Tɔn 1:20

Asɛ o chaŋe ŋɔ, “He bɛ men Naomi yerɛ. Hɛɛ yer mɛ Mara dɛkalkɛ Korowii Waa Ɛ Kpeɡri Bwa Dɔɔ ta ɡelɛ n sie lɛ n soɡa bini.