Tɔn Jud Aa Chwera 1:9 - mzwDBL

⁹ Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”

Tɔn Jud Aa Chwera 1:9 ပူးပေါင်းရင်းမြစ်များ

1 Webena 12:17

Asɛ Kooro Devid ir ka chem ba dɛ ŋɔ, “Dɛ deŋnesɔɔhna nee hɛɛ ba n be dɛ́ ba cha mɛ naa, n sɛoh kɛŋɔ ya nyoa pɛ. Kɛ dɛ he balɔ, dɛ́ ba lee mɛ tɛ n dɔma maa wola wechɔɡe bɛlbwa lii nɔ tenaa, Korowii ya naawa aa tomɔ laanee dɛ́ tɛr he deŋne.”

Kaala 22:28

He bɛ nɛnhɛlwobol bol yaɡɛ men Korowii kɛɛ dɛ́ taah he harɛ nomoa.

Daneɛl 10:13

Asɛ nyundua torome waa dɛ di Pɛɛsea harɛ kpeɡri la ba tɔ mɛ ŋwɛnɛ tɔpera fifraanɛ dɛ beŋkpoŋ. Ate, Maekel waa ɛ nyundua toroma nomonome la bini bɛl ba cha mɛ, lawa baa laɡ mɛ n so Pɛɛsea harɛ ta la wa.

Daneɛl 10:21

kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Sekaria 3:2

Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”

Amanesoma Mak Aa Chwera Tɔn 15:29

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ, “Chwa! Nɛn haa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao?

Mmarare 34:6

Korowii huɡo fɛlembɔjen bɛl waa lɔ Moab harɛ ta, bwɛɛ Bɛt Peɔ sideŋ. Kɛ le ɡɛ saŋ dɛ ba le fini nomɛlbwa aa bela yiso o ŋwam aa chɔa jemɛ.

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

2 Pita 2:11

Nyundua toroma kpeɡri dɛ dɔ jirima ɡwaa a ɡɛ nyosonteŋna nɔ, kɛ baa ban chɔɡɛ dɛɛ tɛ Korowii sisa wobol ne.

Wepila 12:7

Asɛ laa chole Korowii doa. Maekel waa ɛ nyundua toroma la bwa nomoa la ne o dɔm kaa pu kontuuɡi damanta la ne o ɡe bala ba yo,