Tɔn Jud Aa Chwera 1:25 - mzwDBL

²⁵ o ɡboo Korowii ne ya Lɛɛ, ya Dɔɔ Yeesu Kristo nomanta. O chɛ jirima. O dɔŋ toole. Onee dɔ komɛlbwa kpeɡri, dɛ ɛ komɛlbwa Dɔɔ dɛ le saŋ la bwa ba le fini, dɛ dɔ a bwa saŋ bɛlbwa! Aamen.

Tɔn Jud Aa Chwera 1:25 ပူးပေါင်းရင်းမြစ်များ

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

Yela 104:24

N Naa Korowii, he cheɡɛ he wejema ta, dɛ ɛ wejena taeh, harɛ nɔ bwa su he kontaala haa taa.

Yela 147:5

Korowii yaa dɛ tomɔ kan, dɛɛ di kpeɡri kohona, o wejema ɡe ta jaɡa dɔe.

Yela 78:20

A ɛ kasinteŋ kɛŋɔ o kpɔ kon lɔ bwe, asɛ nee fuɡe le kohona. Aah wɛɛ won tɛ yaa kondikwaa dɛ tɛ yan yaa ɛ o nɛra nɔ ola ja aa?”

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 45:21

Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Amanesoma Luk Aa Chwera Tɔn 1:47

N sie lɛ Korowii waa ɛ n Lɛɛ la nɛ.

Amanesoma Jɔn Aa Chwera Tɔn 4:22

He Samaria tena te, ɛɛ he ɡee ɛ te, kɛ haa kon haa dɛ tomɛ jemɛ. Kɛ ya Juu tena te jemɛ kon yaa dɛ tomɛ, dɛkalkɛ ya nɛɛ aa ba cheɡa ásɛ Korowii lɛ nɛwɛnyina bwa.

Amanesoma Jɔn Aa Chwera Tɔn 5:44

He dɛ nyin sɔn dɔŋa be, kɛ a ta wehiah ɛɛ tɛ heyaa kɛŋɔ hé nyin sɔn Korowii te be. He do ken aa, ɛrɛɛ hɛɛ ba wona dɛ yarada mɛ nɔ?

Tɔn Pɔɔl Aa Chwerɛ Rom Tena 11:33

Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

Tɔn Pɔɔl Aa Chwerɛ Rom Tena 11:36

O ta nomɛlbwa kem dii, dɛkalkɛŋɔ on ta kon te bɛlbwa. O nɛɛ komɛlbwa che dɛ do le, o waa ɡee a do le. O chɛ jirima saŋ bɛlbwa. Aamen.

Tɔn Pɔɔl Aa Chwerɛ Rom Tena 16:27

Hé ɡel ya che Yeesu Kristo nɛɛ dɛ́ jam Korowii o ɡbo aa ɛ Korowii, dɛ ɡbo jemɛ wobɛlbwa la. O jirima aa tonɛ bwa! Aamen.

Ɛfesos 1:8

O ta dɛ cha yaa kɛrɛdɛ ya won dɔ wejema ne liire.

Ɛfesos 3:10

O ɛ ɡɛ ásɛ nyundua toroma, ne kwaa aa dɔ kpeɡri bwa dɛ do Korowii be nyundua bwa pese asɔre tena waa dɛ́ jemɛ ɡɛ bwa Korowii wejema aa kana ne ɡɛ waa dɛ ɛ o toma.

Ɛfesos 3:21

Hé ɡel o dɔ jirima Yeesu Kristo ne asɔre tena waa bini saŋ bɛlbwa! Aamen.

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

1 Timoti 2:3

Gɛɛ wera, dɛɛ lɛ ya Lɛɛ Korowii sie.

Taetos 2:10

dɛ bɛ ba kwaa dɛɛ ŋwɛ. Kɛ bá ɡel ba we-ɛɛla dɔ yarada kɛrɛdɛ ba dɔɔranar be. Gɛɛ dɛɛ ba ɡela ya Lɛɛ Korowii waa nɔ yaa dɛ baɡle nɔ che ba nɛɛ dɛ́ dɔ sɔn wobɛlbwa ta.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Taetos 3:4

Kɛ ya Lɛɛ Korowii aa le chae waa cha yaa la ne o nyina waa dɛ nyin nɛn asɛ ya jemɛ a waa la,

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.