Tɔn Jud Aa Chwera 1:23 - mzwDBL

²³ Hɛ́ɛ lɛ nɛra baa dɛ ba wechɔɡa ta joe kɛŋɔ baa dɛ to kon dɛ́ le nii ta la. Hɛ́ɛ sune bane ɡe nɛɛ dɛ́ɛ cha ba, kɛ hɛ́ɛ nyiŋi kɛrɛdɛ ásɛ ba wechɔɡa bɛ heyaa ba bu.

Tɔn Jud Aa Chwera 1:23 ပူးပေါင်းရင်းမြစ်များ

Sɛɡla 7:8

Baa dɛ kaa la, dɛ ɡɛne la te valɔ dɛɛ kpɔ bela hanjwamane la aa soɡa. Dɛɛ fɛrɛ haah la dem,

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Wiile 4:14

A ɡɛ keamere ne sɔfore la dɛ ɡaaɡe fɔɡbaahna kɛŋɔ nyoŋa ken. Nɛra aa cheɡɛ ba nɛɛ ba serewe, ba chale do ba nɛɛ la ɡelɔ ba kah doŋa, anomanta, nomɛlbwa aa won leɡ ba.

Lewi Dea Tena 14:47

Nomɛlbwa ɡe waa ka chɔ kɛɛ dɛ́ di kondikwaa dem la bini la chɛ kɛ ó chɛɡɛ o laala.

Lewi Dea Tena 15:17

Dɛ komɛl kɛŋɔ yal kɛɛ dɛ oltɔn taa o bane la jo aa, a chɛ kɛ bá chɛɡɔ, o kah doŋa ka tel jɔmɔra.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Tɔn Pɔɔl Aa Chwerɛ Rom Tena 11:14

Bɛl lole n bwɛɛ tena na ɡɛ naa, baa meeroo, asɛ a che a ta ba bane lɛ Yeesu waa nɔ.

1 Kɔrent 15:33

He bɛ ɡel nɛra ɛɛ neɡre heya. Danchɔɡe kpɔe dɛ chɔɡ dadɛɛɡe.

1 Kɔrent 3:15

Kɛ dɛ nomɛl toma fuoh waa, Korowii ɛɛ lɛ naatee, kɛ wɛɛ paŋɛ komɛlbwaa. Wɛɛ ɛo kɛŋɔ kon baa keeru le nii ta ken.

2 Kɔrent 5:11

Yaa jemɛ ɡɛ Korowii aa do ɔma la waa ya bol waa dɛɛ baɡle nɛra ásɛ ba jemɛ kasinteŋ la. Korowii jemɛ ya bambile bini bwa. N dɛ lii kɛŋɔ he ɡe jemɛ ya nɛnsoore he bambile bini.

2 Tesalonika 3:14

Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

2 Jɔn 1:11

Nomɛlbwa waa lɛ ɡɛ te la sie la, o ɡe ɡba ja naate wechɔɡa la ta.

Tɔn Jud Aa Chwera 1:22

Hɛ́ɛ sune nɛra baa dɛ ɛ aahna-aahna Yeesu Kristo waa nɔ ta baa wola an yarada kɛrɛdɛ la nɛ.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

Wepila 3:4

He ta dɔ nɛra tama baa wola ɡelɛ a do kɛŋɔ wechɔɡa doŋa do ba nɛ. Mɛɛ tɛɛ ba yapoŋaa bá tɔ, n ne ba valɛ, dɛkalkɛŋɔ ba chɛ ɡɛ.