Tɔn Jud Aa Chwera 1:14 - mzwDBL

¹⁴ Adam natɛɛ ɡe naa Enɔk fa na ba waa dɛ bol ba waa ŋɔ, “N Dɔɔ ɛɛ ba o nyundua toromedɛɛɡa kaɡboŋa nee,

Tɔn Jud Aa Chwera 1:14 ပူးပေါင်းရင်းမြစ်များ

Mumpar 5:18

Jarɛd ɡe baa kpeɡ. O bene lafa fifraanumɛl dɛ anɛ ta la, o lolɛ bibaa dɛ pa o sɔn Enɔk.

Aesaya 26:21

Hé no! Korowii le o dobɔr nyundua dɛɛ ba, dɛ́ ba tɛr nɛra baa lɔ harɛ ta deŋne ba wechɔɡa wa. Harɛ ɛɛ le nɛra baa sɔah kpoo nɛra laanee tɛ, waa ban kpɔ sɔh kpa.

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

1 Tesalonika 3:13

Wɛɛ ɡeloo he do kpeɡri, dɛ bɛ wechɔɡa dɔ, dɛ́ ɛ nɛndɛɛɡa N Naa Korowii waa ɛ ya Mɛɛ la be, awola o ne o toromedɛɛɡa la bwa aa ba la.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Wepila 5:11

N nyiŋo dɛ no kɛ bobɛlbwa dɛ ɡbɔɡre, dɛkalkɛŋɔ dɛ nyundua toroma warɔ taeh, dɛ ba bar kookara la ne hweera kwaa ne nomonome la bwa dɛ cheme. Ba lɔ kaɡboŋa kaɡboŋa maa wola ba nyoa jemɛ,