Tɔn Jud Aa Chwera 1:12 - mzwDBL

¹² He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.

Tɔn Jud Aa Chwera 1:12 ပူးပေါင်းရင်းမြစ်များ

2 Webena 7:20

ate mɛɛ le Israel tenaa le harɛ maa kpɔa tɛɛ ba nɔ ta, dɛ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Job Tɔn 8:17

A dɛ ta lune bar bwea, ásɛ dɛ lawa kpoŋe kiŋkiŋ.

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 37:2

Baa biɡri hol kɛŋɔ kpɔɡa ken, dɛ́ piɡri serewe kɛŋɔ, kpɔɡlwɛɛ yon hol la.

Sɛɡla 25:14

Nɛn waa baɡɛ nyoa kɛ wɛɛ tɛ komɛlee waa wola tɛ la, o do kɛŋɔ baama ne peu aa wola bwaala ne ba ken.

Ɛsekeɛl 17:9

Bɔɔ ba ŋɔ men Nemenɛ Korowii ŋɔ, ‘Grepo daa la ɛɛ won kpeɡ kɛrɛdɛ aa? Kee waa tɔ sie la aa on fuɡri ta, dɛ chaa o nɔna, dɛ kuuɡi o kpala o bwa hol aa? A ta bokpeɡa kohona kɛɛ nɛra baa wara hiaih mɔɔ dɛ fuɡru ta.

Ɛsekeɛl 34:10

Anomanta, men Nemenɛ Korowii, n ne he dɔɔ. Mɛɛ tɛr he deŋnee dɛ́ lɛa le he be, haa a teɡraa ɛ kpa. Mɛɛ lɛa le he be, maa ɡel he di a ta kpa.

Ɛsekeɛl 34:18

Kpɔɡdɛɛɡa haa dɛ chwea la aa heyaa tel aa? A chɛ kɛ he tiɡri a kar do harɛ naa? Nedɛɛɡa haa dɛ nyoa la aa he ne maɡre aa? A chɛ kɛ he porɛ a kar aa?

Ɛsekeɛl 34:2

“Nɛwɛnyini bie, bol waa aa dɛ ba Israel nomonome baa do kɛŋɔ peteɡra nɛɛ bala, dɛ́ ŋɔ men Nemenɛ Korowii ŋɔ, ‘Hé bwɛɛlɛ! He ɛ peteɡra haa wola he peera nɛɛ nyiŋi, he ɡbo waa hiah heya. Hé laa chɛ kɛŋɔ hɛ́ɛ nyiŋi a nɛ aa?

Ɛsekeɛl 34:8

Men Nemenɛ Korowii taa lole nɔ, n ŋwɛɛrɔ kɛŋɔ, n peera nya teɡre, a che a ta kpɔɡ bini olchɔɡa lawa dɛɛ di. N peteɡra la ta a bɔr ɡaaɡɛ, ba ɡbaɡba waa hiah ba.

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Lewi Dea Tena 14:43

Dɛ bwea baa kpɔa le dɛ sɛh danjwɛɛ la dɛ kwaa maalo la habɔɔ, konfɔɔla la berɔ ba dem la ta naa,

Matiu 13:6

Kɛ a lune ta wone kaa bini. Anomanta, wee aa lɔa la, a jwalɔ dɛ serewe.

Matiu 15:13

Anee Yeesu chaŋ ba ŋɔ, “Daa te bɛlbwa n Mɛɛ waa lɔ nyundua la aa wola on due la, baa huɡruu ta.

Amanesoma Mak Aa Chwera Tɔn 4:6

Anomanta, wee aa lɔa la, a jwalɔ dɛ serewe.

Amanesoma Luk Aa Chwera Tɔn 12:45

Kɛ dɛ bonɔɔ la ta ɡɛ liire, dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’ dɛ do o dɔŋa bonɔɔna la ne toli baa kaa la nɛɛ dɛɛ lɔɔ, dɛ di kwaa dɛ nyɔ sen dɛɛ dɛɛ raa, amɔ wɛɛ na waa.

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Luk Aa Chwera Tɔn 8:6

Mea la ane ɡe lee bwetala ta. Aa lea la, a jwalɔ dɛ serewe, dɛkalkɛŋɔ sɔn toole bela.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

1 Timoti 5:6

Kɛ luhaah bodia wa aa dɛ lɛ o sie la, o soɡe le te, kɛ o do kɛŋɔ nɛn waa sewa.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

Jems 5:5

He dɔ sobɔrdɛɛɡe harɛ nɔ ta dɛ so, dɛɛ di he bwara. Gɛ haa dɛ di he bwara la, he do kɛŋɔ kondɛɛre baa ku kpɔɡa dɛɛ tɛo ó di dɛ́ je bá kpoo la.