Tɔn Jud Aa Chwera 1:11 - mzwDBL

¹¹ Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

Tɔn Jud Aa Chwera 1:11 ပူးပေါင်းရင်းမြစ်များ

2 Pita 2:15

Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.

1 Jɔn 3:12

Ya bɛ ɛ kɛŋɔ Keen, waa ɛ o te Bɔnsam bie dɛ kpo o nime Abɛl la. Bɔkwaa ɡela o kpoo wɔ? O we-ɛɛla waa ɛa la aa wola were asɛ o nime kwaa do wer la, anee ɡela o kpoo.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Mmarare 23:4

Dɛkalkɛŋɔ ɡɛ saŋ haa le Ijipt harɛ ta dɛɛ ba la, ba vɔmɛ heyaa nee ne kondikwa. Beɔ bibaa Balam, waa le Pɛtɔ dɛ do Mɛsopoteemea harɛ ta la, ba kaa bɔɔ paa ŋɔ ó ba taah heya.

Nɛra Kura 31:16

Banee no Balam waa ta, a che a ta dɛ ɡel ya laa ya te kpɔ Korowii nɛɛ Peɔ Bwejen ta, asɛ weechɔɡa ba ya Korowii nɛra nɛɛ la.

Sekaria 11:17

Peteɡre ɡɛne waa chwa ɡel peera la, ó bwɛɛlɛ! Baa kpɔ keree ŋwɛnɛ o nɔn ne o diɡ siwi. O nɔn ɡe sewɛ, o diɡ siwi ɡe tɔ kwaraa.”

Ɛsekeɛl 13:3

Nemenɛ Korowii ŋɔ, “Keame ɡɛna la bwɛɛlɛ. Ba cheɡɛ ba ɡbaɡba wejema ta, dɛ ŋɔ ba dɛ na chaahna, dɛ ba ta wobɛlbwa nae.

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

2 Koranar 16:16

Asɛ sɔfo Uria ɛ ɡɛ Kooro Ahas aa doo ŋɔ ó ɛ la.