Josua 7:9 - mzwDBL

⁹ Keenan tena ne nɛra baa lɔ harɛ la ta bwa ɛɛ no waa nɔɔ, dɛ́ ba bar yaa, dɛ́ kpoo yaa, dɛ́ ɡel ya sɔn nyoɡre harɛ nɔ ta. Ɛrɛɛ nɛra ɛɛ ba ɛɛ dɛ́ jemɛ kɛŋɔ he sɔn kan ɔ?”

Josua 7:9 ပူးပေါင်းရင်းမြစ်များ

Yela 115:1

N Naa Korowii, he nyina aa wola jaɡa dɔe, ne he kasinteŋ nomanta, he ɡbosoroo chɛ kɛ yá kpɔ jirima tɛ, ya te laa.

Yela 48:10

N Naa Korowii, ɡɛ he sɔn aa kana la, ɡɛɛ nɛra ɛɛ kpɛɛre le harɛ jaɡa bwa, he kpeɡri kohona nomanta, he bol waa dɛɛ pa bole aŋwɛnɛ ta.

Yela 79:9

N Naa Korowii, ba cha yaa dɛ́ lɛ yaa. Ba lɛ yaa dɛ́ kpɔ ya wechɔɡa kɛ yaa, he sɔn la wa.

Yela 83:4

Ba ŋɔ, “Hé ba ya chɔɡ nɛra baa lɔ harɛ la ta, ásɛ Israel harɛ sɔn den nyoɡre kwaraa.”

Yela 83:5

Ba nyoa pɛo baa vɔrɔwe he vɔrɔwa. Nɛra baa kpɔ ba te dɛɛ ba ba yoi laanee nɔ,

Kaala 32:12

Ijipt tena ɛɛ boloo ŋɔ liichɔɡaa he kpɔ tɔ he nɛra sie, dɛ laɡ ba le Ijipt harɛ ta, dɛ kpoo ba bwejena bɔr ba bwa tonɛ harɛ nɔ ta. Amɔ dɛ ɡɛ wer aa? Gel he baah sɔɔh dɛ́ le he bandia kohona la ta. Charɛ he liire dɛ́ ɡel he nɛra chɔɡa.

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Nɛra Kura 14:13

Mosis berɔ ŋɔ Korowii be ŋɔ, “Dɛ Ijipt tena no a wa aa, ɛrɛɛ baa ba bola ɔ? Ba ɡbabir na he kpeɡri haa kpɔa lɛ nɛra nɔ le ba be.

Amanesoma Jɔn Aa Chwera Tɔn 12:28

Asɛ o ŋɔ, “N Mɛɛ, ɡel he sɔn dɔ jirima!” Belaa ba no taa bɛl le nyundua kɛŋɔ, “N ɡelɔ n sɔn dɔ jirima, kɛ mɛɛ berɔɔ ɡel o dɔ ja.”

Mmarare 9:28

Gɛ laa aa, harɛ haa lawɛ yaa le o ta la nɛra ɛɛ ŋɔɔ, he ta wone kpɔ he nɛra kaa harɛ haa baɡ ba nyoa la ta, dɛ ka kpoo ba pua hɛŋle ɡbo harɛ la ta, haeh haa hah ba la wa.

Josua 7:10

Anee Korowii ŋɔ Josua be ŋɔ, “Ir che! Ɛrɛɛ he kpɔ sie pi harɛ ɡɛ nɔɔ?

Josua 7:8

Korowii, n ta ɡɛ bwa maa bol nae kpa. Israel tena dɔma teŋɛ ba nɛ ba laa berɛ.

1 Samoɛl 12:22

Korowii ŋwɛɛrɔ ŋɔ, waa o nɛraa vɛh. O sie lɛo kɛŋɔ ó kpɔ heyaa ɛ o nɛra.