Josua 23:11 - mzwDBL

¹¹ Anomanta, hé nyiŋi kɛrɛdɛ dɛ́ɛ nyin Korowii haa dɛ tomɔ la wa.

Josua 23:11 ပူးပေါင်းရင်းမြစ်များ

Kaala 20:6

Dɛɛ nyin banɔ la baa dɛ nyin mɛ dɛɛ teŋɛ me Mmara ta, hale dɛ́ kpoŋe ka tel ba naanar bele kaɡboŋ nɛ.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

1 Kɔrent 8:3

Naate waa dɛ nyin Korowii la te, Korowii ɡba jemɔ.

Ɛfesos 5:15

Anomanta, hɛ́ɛ nyiŋi he soɡa bini kɛrɛdɛ dɛ́ ɛ wejerema dɛ bɛ ɡɛn.

Mmarare 30:16

Dɛ he teŋɛ Korowii haa dɛ tomɔ nɔ waa maa kpɔa dɛɛ tɛ heyaa fini nɔ ta, dɛɛ nyinu dɛɛ teŋɛ o waa ta kɛrɛdɛ naa, he wobɛlbwa ɛɛ do werii tɛ heya taeh. Wɛɛ swee andɛɛɡaa tɛ heya he dɔ mkpa harɛ haa dɛ la ka so o ta la ta.

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Mmarare 4:15

Anee Mosis berɛ ŋɔ, “A ɡɛ saŋ haa no Korowii taa nii la ta Sinai Bwejen ta la, he ta komɛlbwa nae, anomanta, he nyiŋi kɛrɛdɛ,

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Josua 22:5

Hé nyiŋi kɛrɛdɛ dɛ bɛ Mmara Korowii bonɔɔ Mosis aa do heyaa a ta la soh. O ŋɔ hé nyin N Naa Korowii dɛɛ teŋɛ o Mmarare bwa ta, dɛɛ tomɔ he bambile bwa, ne he hweera bwa ne.”

Josua 23:10

He bini beŋkpoŋ ɛɛ won doŋi kɛɛ dɛ́ pɔ laa tena kaɡboŋ nɛ, dɛkalkɛŋɔ Korowii haa dɛ tomɔ laanee yoa dɛɛ tɛ heya, ɡɛ waa baɡɛ heyaa nyoa la.

Josua 23:12

Kɛ dɛ he kpɔ he te ka pɛ ɡɛ nɛra baa kaa he ne ba so nɔ nɛ, dɛ mo ba bihaahna asɛ ba ɡe mo he kwa aa,