Josua 22:33 - mzwDBL

³³ Israel tena kabora aa no waa la la, ba sie lɛo dɛ kpɛɛ Korowii. Ba ta berɛ lii kɛŋɔ baa vɔrɔwe laa, dɛ́ ka chɔɡ harɛ Rubin ne Gad deene aa soɡe o ta laanee kpa.

Josua 22:33 ပူးပေါင်းရင်းမြစ်များ

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

Sɛɡla 25:25

Gɛ he yon no amanesoma le bojaŋ a do he som la, ɡɛɛ nesɔn aa dɛ kpo nyɔɡre la ɡe do.

Daneɛl 2:19

Awola jwaana la, Korowii pili waa la bini baɡle Daneɛl. Asɛ o kpɛɛ Korowii Waa Dɛ Di Kora Nyundua.

Amanesoma Luk Aa Chwera Tɔn 2:28

Baa joa la, Simeon kaa kpɔ Yeesu pɛl o bambile dɛ jam Korowii dɛ kpɛɛro, dɛ ŋɔ,

We-ɛɛla 15:12

Nɛra baa cheme bela la bɛlbwa ta berɛ tɔŋle kpa, dɛ tɔ nyoa dɛɛ no Pɔɔl ne Banabas be. Pɔɔl ne Banabas baɡle nyokpowaa ne wekpeɡa Korowii aa kpɔ ba ɛ nɛra baa wola Juu tena ɛɛ la bini.

We-ɛɛla 15:31

Baa kure tɔn la, ba sie lɛo, dɛkalkɛŋɔ tɔn la do ba ɡbemba.

2 Kɔrent 7:7

O bala la ɡbo laa larawe ya bwara. O baa baɡle ɡɛ waa baa na heyaa o ɡbabir bambile sɔɔhno he wa. O bolɔ ŋɔ n waa dɛ ɛ heya, dɛ ŋɔ waa n fa aa bola la ɡelɔ he tea bini chɔɡ. O baɡle ɡɛ haa cheɡɛ n habɔɔ dɛ yo dɛɛ tɛ mɛ. Anomanta, name kwaraa n sie lɛ kohona.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Josua 22:30

Sɔfo Fenehas ne nomonome fi baa ja o nɛɛ la aa no ɡɛ Rubin ne Gad deene, dɛ Manasɛ dea pera aa ŋɔa la, a do ba som.

Josua 22:32

Belaa sɔfo Eliasa bibaa Fenehas, ne nomonome baa ja o nɛɛ la le Gelead harɛ bela baa cheme Rubin ne Gad deene dɛ Manasɛ dea tena la, dɛ ba Keenan harɛ ta dɛ ba bol Israel tena la be.