Josua 22:15 - mzwDBL

¹⁵ Asɛ ba la Gelead harɛ ta bela Rubin ne Gad deene, dɛ Manasɛ dea pera la be ka ŋɔ,

Josua 22:15 ပူးပေါင်းရင်းမြစ်များ

1 Webena 21:3

Anee Joab chaŋe kooro ŋɔ, “N naa kooro, Korowii haa dɛ tomɔ la ɡel laa tena la warɛ bele lafa dɛ́ ɡwaa, ásɛ he na. N naa, he bonɔɔna laa ba bwa naa, aa ɡel ya harɛ nɔ tena bwa di bolchɔɡe aa?”

2 Webena 10:19

Le a ɡɛ saŋee Israel tena baa lɔ weekaŋle nyunduabɔr ɛ Kooro Devid dem tena deŋnekpeɡ, dɛ pere ba te le ba nɛɛ dɛ ba le fini.

2 Webena 25:27

Le ɡɛ saŋ Kooro Amasea aa vɛh Korowii toma la, dɛ ba dɛ vɔrɔwe o kpoe vɔrɔwa Jerusalam. Anomanta, o chwao kaa bwɛjen Lakes ta, asɛ ba tomɛ nɛra ba teŋɛ la, dɛ ka kpoo bela.

2 Webena 26:18

Asɛ ba la o be ka bɔɔro ŋɔ, “N naa kooro, he ta ŋwɛnɛ dɔe kɛŋɔ he fuh daawiile a sɔɔh aa soma tɛ Korowii. Sɔfore baa ɛ Arɔn naanar baa sɔ ba doŋa ta, ba do ɡoroŋ Korowii be pera la, banee dɔ a ŋwɛnɛ kɛ bá ɛ ɡɛ toma nɔ. Le Korowii Dea bonɔ kaa, dɛkalkɛ he waa ta kasinteŋ dɔe o sie, waa andɛɛɡaa swee tɛɛ kpa.”

2 Webena 28:13

Ba ŋɔ ba be ŋɔ, “He bɛ nɛra haa laɡ ba la kpɔ ba bonɔ, ɡɛ laa aa, yaa di bolchɔɡe Korowii siee. He bɛ ɡel ya kpɔ wechɔɡa ja bolchɔɡe dii ta, a kan ya nɛɛ wubwa, ásɛ Korowii baah di ya nɛɛ kohona.”

Ɛsra 9:15

N Naa Korowii Israel tena aa dɛ tomɛ, he waa toɡrɔ kohona! He ɡelɔ ya bini bane ta so le. Ya di bolchɔɡe dɛ kpɔ ya wechɔɡa dɛɛ bil he sie, anomanta, ya bini bɛlbwa toole dɛ́ won ba che he sie.”

Ɛsra 9:2

Israel baala la kpɔ harɛre aa bar ba cheme la haahna mo, a che a ta ba ne Korowii nɛra ba wa aa do ɡoroŋ la, ne ba we-ɛɛla aa wola were la koo dɔŋa. Nomonome ne sitɔɔla laanee tɔ ba sie ba ɛ ɡɛ waa nɔ.”

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Kaala 32:8

Ba charɛ ba liire warane dɛ le waa maa do ba a ta la ta. Ba kpɔ suuɡaswɛm ɛ nabale dɛɛ ɡuŋu, dɛ kpoo koŋkwaa ɛ saraha dɛɛ tɛo, dɛ ŋɔ yabala Israel tena, voɡ waa tɔ ya sie dɛ kpɔ yaa le Ijipt harɛ laanee la.”

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Lewi Dea Tena 26:40

Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,

Lewi Dea Tena 5:19

Anɔɔ ɛ bolchɔɡe dii saraha. Naate la ɛ wechɔɡa dɛ jo men Korowii nɛɛ dɛ di bolchɔɡe.”

Nɛra Kura 14:43

Korowii laa nɔn kpɔ he nɛ, dɛkalkɛŋɔ he le o habɔɔ. Amalɛk ne Keenan tena ɛɛ cheme heya belaa dɛ́ kpoo heya.”

Nɛra Kura 32:15

Dɛ he berɛ habɔɔ kpoo waa, wɛɛ ɡel baa ta pua hɛŋle ɡbo harɛ nɔ taa ja, dɛ heyaa ɡela o chɔɡ ba ta la.”

Nɛra Kura 5:6

“Ŋɔ Israel tena be ŋɔ, Dɛ haah kɛɛ baa ɛ o dɔŋ bɛl wechɔɡa ŋwɛnɛ bɛlbwa ta naa, dɛ o jo men Korowii nɛ. Naate di bolchɔɡe.

Matiu 18:17

Dɛ he ne nɛra la laŋɔ o ŋɔ waa sɛh ja aa, kpɔ ka bil he bala bwa he ne ba aa dɛ cheme la sie. Dɛ o ŋɔ waa ba ɡe bee no aa, ɡel o waa tɛo kɛ nɛn waa wola Korowii tomɛ kɛɛ wechɔɡ-ɛɛ.

1 Kɔrent 1:10

Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

1 Kɔrent 5:4

Dɛ he baa cheme ya Dɔɔ Yeesu sɔn ta, o kpeɡri do he nɛ, n ɡe liire do he bini naa,

Mmarare 30:17

Dɛ he ɛ deŋnekpeɡ dɛ vɛh noe yaa, he liire ɛɛ charɔɔ he ka tomɛ voɡa.

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Josua 22:12

ba bwa chemo Silo bela kɛŋɔ ba la ka puu ba yo.

Josua 22:14

Israel tena la le baala fi le dea bɛlbwa ta ja Fenehas nɛ. Ba ɛ nomonnyuune dɛ chɔ dea lolanar nyoo, dɛ le Israel deene kabora la bɛlbwa ta.

Josua 22:16

“Ya cheɡɛ Korowii nɛra naa ta dɛɛ bɔɔ heya kɛŋɔ, Ɛrɛɛ he ɛ Korowii Israel tena aa dɛ tomɔ wechɔɡa aa do ken nɔɔ? Ɛrɛɛ hɛɛ ba wona le o habɔɔ dɛ́ ka ma kon baa dɛ ɛ saraha o ta tɛ he te nɔ? He vɛh o nɛɛ teŋa.

Josua 22:18

He laa sie dɛɛ kpɔ Korowii nɛɛ taraken ja aa? He vɛoh fini naa, kere o baah ɛɛ di Israel tena bwa nɛɛ.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”