Josua 22:10 - mzwDBL

¹⁰ Baa kaa tel Gelilɔt, Keenan harɛ waa lɔ Jɔɔdan Moo nyoa wee cholibɔr pera la, Rubin ne Gad dɛ Manasɛ dea pera deene ma kon baa ɛ saraha o ta tɛ Korowii cheɡ Jɔɔdan Moo nyoa bela, o kan dɛ do wer kɛrɛdɛ.

Josua 22:10 ပူးပေါင်းရင်းမြစ်များ

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 12:8

Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii.

Mumpar 28:18

Tɔ aa pera chɔmbibi la, o kpɔ bwe waa kpɔ o nyu serɛ o ta la pa bela harɛ la ta, dɛ́ kpɔ dɛɛ lii bela, dɛ fuɡe noo ta o ta dɛ kpɔ do Korowii nɔn ta.

Aesaya 19:19

Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere.

Josua 22:11

Israel tena kabora la aa noa kɛŋɔ Rubin ne Gad, dɛ Manasɛ dea pera deene la ma kon baa ɛ saraha o ta tɛ Korowii Gelilɔt ba harɛ ta la,

Josua 22:9

Asɛ Rubin ne Gad deene, dɛ Manasɛ dea pera tena la le bela bane Israel tena laa soɡa bwɛjen Silo, o lɔ Keenan harɛ ta, dɛ laa berɛ ba kaa ba ɡbaɡba harɛ ta Gelead, ɡɛ Korowii aa cheɡɛ Mosis nɛɛ dɛ do ba la.