Jona 4:8 - mzwDBL

⁸ Wee aa baa baŋɛ la, Korowii ɡelɔ peuwɔb bɛl ta le wee leebɔr, wee ɡe do nyɛɡre dɛɛ lɔ Jona nɛɛ kohona, o fe ɛɛ ba sewa dɛ ŋɔ, “N sewɔ bɔ kɛŋɔ maa soɡe le.”

Jona 4:8 ပူးပေါင်းရင်းမြစ်များ

Mumpar 41:6

Asɛ anfala anuanɛ ɡe berɛ sɛɡle daa la bampera. Peuwɔb bɛl tao le wee leebɔr dɛ ba chɔɡ a te, a ta wone ta pure.

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

1 Koranar 21:4

Ate, Kooro Ahab kpɔ sum ne bandia kaa dem, waa Nabɔt aa bola baɡlo kɛŋɔ “Maa n naawa kapɛrɛ konee kpɔ tɛɛ” la wa. Asɛ bwaawee farɔ o ka chɔ dɛ vɛh kwaa dii.

Job Tɔn 2:10

Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

Job Tɔn 7:15

dɛ́ ɡel n pɛla lawɛ kɛŋɔ baa hamɛ n lobi n sewɛ dɛ ɡwaa kɛ aa ka n hoɡa ɡbo nɔ.

Yela 121:6

Wɛɛ nyiŋi he nɛɛ webaŋa ne jwaanaa, wobɛlbwa aa heyaa ha.

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Yelsom 1:6

Bɛ men ɡɛɛh, n bira maa bira wa, weeree ɡela n bir. N nimanar baah di n nɛ dɛ ɡel n kaa ɛ daa koo bini toma, n ta bɔr dɔe dɛ nyiŋi n daa koo ta.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Ɛsekeɛl 19:12

Ba baah di o nɛɛ kohona, dɛ huɡru ɡo. Wee leebɔr peuwɔb tao dɛ ɡel o kpala la ne o nɔna la hol, nii fuh a bwa.

Hosia 13:15

a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Jona 1:17

Dɛ Korowii te le pɛŋejen bɛl ó ba kpɔ Jona lile, asɛ o do o tea bini tɔpebire atoro, chɔɔ ne jwaana.

Jona 1:4

Anee Korowii ɡel peujen bɛl ta mpo la ta. Peu la nyoa kpeɡri kohona, dɛ ir nehɛma baa lɔ dɛɛ beɡre nee la, stiimae la fe ɛɛ ba pera.

Jona 4:3

N Naa Korowii, n poori den kpo mɛ. N sewɔ bɔ n be kɛŋɔ maa soɡe le.”

Jona 4:9

Anee Korowii ŋɔ Jona be ŋɔ, “He dɔ ŋwɛnɛ kɛŋɔ he baah di juɡ nɔ wa aa?” Ate, Jona ŋɔ, “Ɔɔh. N baah diu kohona kɛŋɔ n sewɛ kwara.”

Matiu 20:12

‘Banɔ te aa dena ba ta biɡre bɛlbwa wee den swɛɛ, asɛ ya te le chɔmbibi ne bwa wedamanta nɔ kpo yaa, ɡɛɛ he saah bɔ ya bwa kem kɛrɛdɛ aa?’

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Wepila 7:16

Lɔr ne nyɔɡre aa ban kpo kpa bwa. Wee aa ba nɛɛ lɔ cheihcheih, bɔr ɡe aa ba nɛɛ wɔrɔbe bambam.

1 Samoɛl 3:18

Anomanta, Samoɛl bol waa la bwa baɡlo, o ta bɛlbwa kpɔe sɔɔh. Ate Eli ŋɔ, “Onee Korowii, ɡel o ɛ waa aa too o tea.”