Jona 4:3 - mzwDBL

³ N Naa Korowii, n poori den kpo mɛ. N sewɔ bɔ n be kɛŋɔ maa soɡe le.”

Jona 4:3 ပူးပေါင်းရင်းမြစ်များ

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

Wejereme 7:1

Sɔndɛɛɡe wer ɡwaa nosɔɔhsoma, ɡɛɛ seo tɔpere ɡe do wer ɡwaa lola tɔpere.

Nɛra Kura 11:15

Dɛ kenii hɛɛ ba men ɛɛ te naa, den kpo mɛ taraken. Dɛ n we-ɛɛla su he siwi te naa, bɛ ɡel n do le ásɛ a ɡɛ waa nɔ ba di mɛ.”

Jona 4:8

Wee aa baa baŋɛ la, Korowii ɡelɔ peuwɔb bɛl ta le wee leebɔr, wee ɡe do nyɛɡre dɛɛ lɔ Jona nɛɛ kohona, o fe ɛɛ ba sewa dɛ ŋɔ, “N sewɔ bɔ kɛŋɔ maa soɡe le.”

Nɛra Kura 20:3

Ba ŋɔ Mosis be ŋɔ, “Ya ne yabala la bwa fe pɛo sewɛ Korowii sie bela fe bɔ.

1 Kɔrent 9:15

N dɔ ŋwɛnɛ kɛ n ɛ a bwa, kɛ n ta nomɛlbwa be ŋɔe ŋɔ ó tɛ mɛ komɛlbwa bwa. Maa chwerɛ dɛɛ nyin kɛ he tɛ mɛ a ɡɛ kwaa nɔ. N sewɔ bɔ n be kɛŋɔ waa maa koh a waa maŋkura n te la le n nɔn ta.

Jeremia 8:3

Ásɛ nyubinikpeɡ tena baa ka dɛ́ so harɛ la ta la, banɔ la men Korowii aa lɔ ba peɡre ba so bobɛla ɛɛ dɛɛ nyinu kɛŋɔ, ba fe serewe ɡwaa kɛ ba taa soɡe le. Men Nemenɛ Korowiirii bola.”

Jona 4:4

Belaa Korowii ŋɔ, “He ɡe dɔ ŋwɛnɛ kɛŋɔ he baah di waa nɔ ta naa?”

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.