Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”
Mɛɛ kpɔ bene fi dɛ anuee ja he mkpa ta. Mɛɛ lɛ he ne bwɛjen Jerusalam tenaa, ásɛ Asiiria koojen bɛ won pɔ he nɛ. Mɛɛ che bwɛjen nɔ habɔɔ, dɛ́ tɔɔ ɡbemɡbe n jirima maa dɔa wa, ne waa maa baɡɛ n bonɔɔ Devid la wa.”
Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.
‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.
Awola nɛra bwa aa ir seo ta dɛ ba che Korowii sie, ásɛ o bol ba waa dɛ́ pa bole la, Niniwe tena ɛɛ bol waa bɔ fini nɔ tena, dɛkalkɛ ba te no Korowii waa Jona aa bola la mun dɛ charɛ ba liire le ba wechɔɡa ta. Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no.
Niniwe tena ɡba ɛɛ bol waa bɔ fini nɔ tena, dɛkalkɛ ba te no Korowii Waa Jona aa bola la mun dɛ charɛ ba liire le ba wechɔɡa ta. Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no.