Jona 3:10 - mzwDBL

¹⁰ Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.

Jona 3:10 ပူးပေါင်းရင်းမြစ်များ

1 Webena 21:15

Korowii le nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Jeremia 18:7

Dɛ saŋ bɛlbwa n ŋɔ mɛɛ chɔɡ harɛ bɛl nɛraa, dɛ́ paɡro dɛ́ kuuɡi o bwa,

Jeremia 18:8

dɛ ɡɛ harɛ nɛra la berɔ charɛ ba liire le ba wechɔɡa ta naa, amɔ te mɛɛ ɡeloo, dɛ́ nyiŋi wenaale n fe aa ŋɔa mɛɛ kpɔɔ ba ta ba nɛɛ la ta.

Jeremia 36:3

Dɛ Juda tena no wekpeɡa maa dɛ nyin n kpɔ ba ta ba nɛɛ nɔ naa, ba ken ɛɛ charɛ ba liiree le ba wechɔɡa ta, ásɛ n kpɔ ba nyubinikpeɡ we-ɛɛla ne ba wechɔɡa kɛ ba.”

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.

Joel 2:13

He bɛ he laala kɛɛ á baɡle he suna dii, hé ɡel he suna dii baɡle kɛ he bambile chɔɡɔ.” Hé charɛ he liire dɛ́ berɛ ba Korowii haa dɛ tomɔ be, o bambile too dɛ dɔ tedoma tɛ nɛn. O baah aa di warawara, o nyina ta jaɡa dɔe. O kpɔ nɛra wechɔɡa dɛɛ kɛ ba saŋ bɛlbwa, waa wola ba deŋne tɛr.

Emɔs 7:3

Anomanta, Korowii ɡelɔ. Dɛ ŋɔ, “Maa ɡela ba a chiɡ kpa.”

Emɔs 7:6

Anomanta, Nemenɛ Korowii ɡelɔ, dɛ ŋɔ, “Maa ɡela ba a chiɡ kpa.”

Jona 4:11

Aah ɛrɛ waa Niniwe o nɛra aa ɡwaa kaɡboŋa lafa fifraanɛ, baa wola wedɛɛɡa ne wechɔɡa baah jemɛ, ba kondɛɛra ɡe aa wola nyoa dɔe nɔ, ba waa aa wola n nɛɛ weɔ?”

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.

Amanesoma Luk Aa Chwera Tɔn 11:32

Niniwe tena ɡba ɛɛ bol waa bɔ fini nɔ tena, dɛkalkɛ ba te no Korowii Waa Jona aa bola la mun dɛ charɛ ba liire le ba wechɔɡa ta. Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no.

Amanesoma Luk Aa Chwera Tɔn 15:20

Bie la aa lii ɡɛ la, o iro chiɡ ŋwɛnɛ ta dɛɛ kaa o mɛɛ be. Waa dɛ kaa o mɛɛ be la, o mɛɛ lɔ dem dɛ nao bojaŋ, asɛ o tea domɔ, o chwa chemo dɛ ka ɡbaaro pɛl o bambile.