Jona 1:2 - mzwDBL

² “Le he harɛ ta, dɛ́ la bwɛjen Niniwe ta, dɛ́ ka di ba kasinteŋ ŋɔ ba wechɔɡa baa dɛ ɛ la le n mee.”

Jona 1:2 ပူးပေါင်းရင်းမြစ်များ

Mumpar 10:11

Waa le harɛ la ta la, o berɔ kaa Asiiria harɛ ta, asɛ dɛ ka vɔrɔwe bwɛjena ane baa dɛ yera Niniwe ne Rɛhɔbɔt Ir dɛ Kala,

2 Koranar 19:36

Aa ba ɡɛ la, Asiiria koojen Senakerib ɡel laa la yoi, dɛ ir ka so Asiiria bwɛjen Niniwe. Dɛ belaa ɛ koojen soŋnibɔr.

2 Webena 28:9

Dɛ Korowii keame Ɔdɛd lɔ Samaria bela. O iro dɛ la ka cheme laa tena la ɡɛ saŋ baa ba Samaria la. O ŋɔ ba be ŋɔ, “Korowii he naawa aa tomɔ la baah di Juda tena nɛɛ waa o ɡel he yoo ba dɛ pɔ ba nɛɛ la. Kɛ he berɔ kpoo ba warɛ kohona to.

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Aesaya 37:37

Aa ba ɡɛ la, Asiiria koojen Senakerib ɡel laa la yoi, dɛ ir ka so Asiiria bwɛjen Niniwe. Dɛ belaa ɛ koojen soŋnibɔr.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 20:9

Kɛ dɛ n ŋɔ maa Korowii sɔnee yerɛ, kɛɛ dɛ́ bol waa o sɔn ta kpa aa, o waa la yon do n bambile bini, dɛɛ fuh n hoɡa bini kɛŋɔ nii ken. N yon takapɔ ŋɔ n lawɛ n te, kɛ dɛ n horɔ.

Ɛsekeɛl 2:7

Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa.

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.

Jona 3:2

“Ir kaa bwɛjen Niniwe, dɛ́ ka bol waa n fa aa bol he be la bela tena be.”

Jona 3:3

Ate, Jona ta vɛɛh kpa, dɛ ir kpɔ waa la kaa Niniwe. Bwɛjen la kan taeh. Tɔpera atoroo nɛn ɛɛ ba wona valɛ dɛ ɡaaɡe bwɛɛ la bini bwa.

Jona 4:11

Aah ɛrɛ waa Niniwe o nɛra aa ɡwaa kaɡboŋa lafa fifraanɛ, baa wola wedɛɛɡa ne wechɔɡa baah jemɛ, ba kondɛɛra ɡe aa wola nyoa dɔe nɔ, ba waa aa wola n nɛɛ weɔ?”

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Neehum 1:1

Waa aa chiɡ bwɛjen Niniwe, Korowii bol baɡle Neehum waa le Ɛlkɔs chaahna ta, asɛ o chwerɛ bil laanee nɔ.

Neehum 3:19

Komɛlbwa aa won ɡel he ŋwɛra tonɛ, bola baa do heyaa la ɛɛ kpoo heyaa. Nomɛlbwa waa no he waa sie ɛɛ lɛo dɛ́ lɔ kpaŋa ta he nɛɛ a wa. Umee wola he nyubinikpeɡ haa ɛa aa wola nyoa dɔe la nyoŋwaara nae ba nɔ?

Matiu 10:18

Baa koh n waa yerɛ heyaa cheme Abane nomonome ne koranar siee, dɛ́ ŋɔ hé ba bol Amanesoma la baɡle ba ne nɛra baa wola Juu tena ɛɛ la.

Matiu 12:41

Awola nɛra bwa aa ir seo ta dɛ ba che Korowii sie, ásɛ o bol ba waa dɛ́ pa bole la, Niniwe tena ɛɛ bol waa bɔ fini nɔ tena, dɛkalkɛ ba te no Korowii waa Jona aa bola la mun dɛ charɛ ba liire le ba wechɔɡa ta. Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

Wepila 18:5

O wechɔɡa daŋɔ tel Korowii doa, Korowii kpaŋro bil.