Joel 2:30 - mzwDBL

³⁰ Mɛɛ ɛ nyokpowaa nyundua ne harɛ taa, ásɛ nɛra na chal ne nii ne ninchuu kohona.

Joel 2:30 ပူးပေါင်းရင်းမြစ်များ

Mumpar 19:28

O ta sie nyiŋi Sodom ne Gomoora pera, ne deŋɡarere dor harɛ waa chɔa kaa la bwa dɛ na chuu aa tɔ bela bwa kɛŋɔ kpɔɡjen bɛl aa dɛ fuh ken.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Jeremia 4:28

Gɛ nomanta, harɛ la ta nɛra ɛɛ wiu ásɛ nyundua bwa bir, dɛkalkɛ menee bola maa nsana le. N dɔɔ kpɔ a liire, maa habɔɔ le.”

Sekaria 14:6

Awola tɔpere la, wee aa lɔ, waa aa ba, kwaa aa sɔɔh dɛ hel kɛŋɔ dombwea.

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Amanesoma Luk Aa Chwera Tɔn 21:11

Harɛ ɛɛ jiɡri bobɛlbwaa taeh, ásɛ lɔr ne weela bwa soo siwi ba. Hɛɛ na ɔmewaa aa wola balɛ bwa nyunduaa.

Josua 8:20

Bwɛjen Ai tena la kaa ke nyiŋi dɛ na kɛŋɔ chuu tɛrɔ le ba bwɛjen la ta dɛɛ kaa nyundua, dɛ lee ta kpaɔ. Ba ta bɔr dɔe ba chwa kpɔ. Dɛ Israel tena baa chwaa kaa pua hɛŋle ɡbo harɛ ta la kaa laa berɛ, dɛ kpɔ sie pa Ai tena baa dɛ ti ba la nɛ.

Wepila 18:18

Baa na ɡɛ waa dɛ fuh, ásɛ chuu ɛɛ le la, baa kpɔ takpeɡ ŋɔ, “Jo bɛ le! Bwɛjen nɔ dɔŋ toole wɛɛ fuh ɡɛ la.”

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.

Sitɔɔla 20:38

Dɛ Israel tena la vɔrɔwɔ kɛŋɔ banɔ la baa chɔ kpɔɡ bini la ɡel chuu vɔwɛ bwɛɛ la ta bwa,

Sitɔɔla 20:40

Kɛ chuu aa dɛ le bwɛɛ la ta dɛ tɛr dɛɛ kaa nyundua la, Bɛnjamen dea tena la keo nyiŋi dɛ na kɛ ba bwɛɛ la bwa vɔwɛ chuu.