Joel 1:12 - mzwDBL

¹² Grepo ne fiɡ daa bwa holɔ, ɡɛɛ daa bɛlbwa waa dɛ nɔnɛ sewɛ. Kasinteŋ, nomɛlbwa ta silɛɛ dɔe kpa.

Joel 1:12 ပူးပေါင်းရင်းမြစ်များ

Aesaya 24:11

Ba dɛ wi sen waa fɔɡbaahna, silɛɛ bwa tonɔ, sum ɡboo kaa. Hɛɡra toole harɛ ta kpa.

Aesaya 16:10

Silɛɛ ne hɛɡra toole daa kooni ta kpa. Nomɛlbwa aa yela kɛɛ lɔŋɔree do daa kooni ta kpa. Nomɛlbwa ɡe aa a nɔna ta tiɡri a nee le a ta kpa. Silɛɛ ɡbɔɡa teŋo.

Joel 1:16

Ya kondikwaare dɛ chɔɡ yaa wola won ɛ wobɛlbwa, silɛɛ bɛlbwa toole Korowii Dea kpa.

Joel 1:10

Kooni bwa chɔ pɛɛ, asɛ harɛre bwa hol, mea ɡe bwa chɔɡ, ɡrepo nɔna bwa ɡe hol, ɔleve daa bwa chɔɡɔ.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Jeremia 48:33

Silɛɛ ne hɛɡra bɛlbwa toole Moab harɛpare ondɛɛɡe ne kooni ta kpa. N ɡelɔ sen toole bɔra baa dɛ harama, nɛra toole dɛ́ tiɡri a ta. Baa mooluu, kɛ silɛɛ moola laa.

Jeremia 48:3

Lɔŋɔre dɛ le Horonaim, sibeɡra ne bwɛɛ chɔɡa wii.

Aesaya 9:3

N Naa Korowii, he ɡelɔ ba harɛ la nɛra ya, he tɛɛ ba silɛɛ kohona. Ba dɛ hɛɡre he sie kɛŋɔ nɛra koo kondikwaa yon ɛ kohona baa koma dɛɛ hɛɡre la. Ba berɔ dɛɛ hɛɡre kɛŋɔ nɛra aa kaa yo laa, dɛ pa ba dɔma laala dɛɛ bɔne la.

Yelsom 4:13

Kwaa aa lɔ bela kpeɡo dɛ do wer. A do kɛŋɔ daa bɛl baa dɛ yerɔ pɔmeɡranet dɛɛ nɔnɛ nɔndɛɛɡa. Kwaa aa sɔɔh aa soma ne alele ta bela nyae,

Yela 92:12

Nɛra ba wa aa toɡra ɛɛ dɛɡoo kɛŋɔ kpor daa ken, baa kpeɡuu kɛŋɔ Lɛbanɔn peleme dajena.

Yela 4:7

He ɡelɔ n dɔ silɛɛ kohona, ɡwaa silɛɛ nɛra yon dɔ, ɡɛ saŋ mea ne sen yon bu ba nɛɛ la.

Nɛra Kura 13:23

Nɛra waa tom ba la aa tel Ɛskɔl Fɛlembɔjen ta la, ba teŋe ɡrepo kpale o nɔna aa warɛ o ta. Ba bini banɛ kpɔɔ saɡɛ daa ta, dɛ cheo vaama ta. Ba tɔɔ daa bɛl nɔna aa do ɡuleɡule baa yera pɔmeɡranet ne fiɡ nɔna ɡe dɛ ja.

Aesaya 24:7

Daa baa kpɔ a nɔna dɛɛ ɛ sen serewɔ, dɛ ɡel sen waa do tɔɡre. Nomɛlbwa o sie fa aa dɛ lɛ sen ta la berɔ dɛɛ di suna.

Jona 4:7

Tɔɔ aa pera chɔmbibi la, Korowii ɡelɔ dudul bɛl ba chwe juɡ waa ɡela o le dɛɛ tɛ Jona chunchule la, o sewɛ.

Malakae 3:11

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona.