Job Tɔn 9:8 - mzwDBL

⁸ O ɡboo paɡri nyundua bɔle kɛ yal, dɛ berɛ won valɛ mpo nehɛma ta.

Job Tɔn 9:8 ပူးပေါင်းရင်းမြစ်များ

Mumpar 1:1

Komɛlbwa mumpar la, Korowii ta nyundua ne harɛ.

1 Webena 16:26

Harɛre bwa voɡare ɛ konsale, kɛ Korowiirii ta nyundua.

Job Tɔn 26:13

O nyoa peuwee ɡela nyundua chaah, o nɔn nee o kpo kontuuɡi damanta waa ɛ harɛkon, dɛ tuuɡa dɛɛ kaa la.

Job Tɔn 26:7

Korowii paɡri weekaŋle nyunduabɔr bɔle, bela komɛlbwa aa wola toole, o ta ɡelɛ harɛ saɡɛ komɛlbwa ta o lawɔ kpoŋe.

Job Tɔn 37:18

Hɛɛ won ja Korowii nɛɛ dɛ́ paɡri nyundua, waa do kpeɡri kɛ ayaawa aa dɛ nyɛɡle kɛ diɡi aa?

Job Tɔn 38:11

dɛ ŋɔ, ‘Bonɔɔ hɛɛ ba wona ba jaɡɛ, haa ɡarɛ! He nehɛma aa kpeɡa la nyoa ɡe jaɡɛ bonɔ.’

Job Tɔn 38:16

Job, he wono valɛ mpo vile bini ka aa? He wono valɛ mpo bɔluŋ tenten bini naa?

Yela 33:6

Nyoa wobol nee Korowii ta nyundua, ne kwaa aa lɔ nyundua bwa.

Yela 77:19

He valɛ mpo nehɛma ta dɛ ɡale o vile, kɛ ba ta he nabuɡe nae.

Aesaya 40:22

Onee di harɛ bwa kora dɛ so kookara ta nyundua, asɛ nɛra baa lɔ harɛ ta do jeɡre kɛŋɔ vaɡla ken. Onee paɡri nyundua bɔle kɛŋɔ yal ken, dɛ baŋro kɛŋɔ baa baŋre tɛnte dea dɛ so o bini la.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 10:12

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Jeremia 51:15

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Amanesoma Jɔn Aa Chwera Tɔn 6:19

O habɔteŋra la aa tawa dɛ kaa dɛ ɛ kwansini atoro kɛɛ anaarɛ la, ba nao kɛŋɔ Yeesu aa valɛ nee la sie dɛɛ ba ba be, asɛ ɔmee laɡ ba taeh.