Job Tɔn 9:20 - mzwDBL

²⁰ N waa fe toɡrɔ kwaraa naa, n wobol fe ɛɛ pa mɛ bolchɔɡee. Wobɛlbwa fe toole n nɛɛ aa, n waa fe ta maɡrɛ.

Job Tɔn 9:20 ပူးပေါင်းရင်းမြစ်များ

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 10:15

N ɛ wechɔɡa aa, n fe na wa! N waa toɡrɔ ɡe aa, n fe aa won ir nyu ne, ásɛ sihiih fe kpo mɛ wenaale ɡwaala aa ɡwaa n nɛɛ nomanta.

Job Tɔn 14:17

Hɛɛ kpɔɔ kɛ mɛ haa wola an lii kpa, dɛ́ fee wechɔɡa bɛlbwa maa ɛa.

Job Tɔn 34:35

‘Job dɛ bol waa aa, wejema toole a ta, o wobol ta mun dɔe.’

Job Tɔn 35:16

Job, he dɛ bol waa pɛɛpɛɛ, haa wola wejema dɔe nomanta, he wobol warɔ.”

Job Tɔn 4:17

‘Nɛwɛnyini waa ɛɛ won toɡre ɡwaa Korowii aa? Nɛn ɛɛ won do ɡoroŋ ɡwaa Korowii waa tao wa aa?

Job Tɔn 9:15

Dɛ n waa fe toɡrɔ kwaraa naa, n fe aa won chaŋo, waa maa ɛ bwaa kɛ ń fe soŋe Korowii waa dɛ di n waa la ó sune n nɛ.

Job Tɔn 9:2

“Kpelaa, n jemɔ kɛ a ɛ kasinteŋ. Aah ɛrɛɛ nɛwɛnyini ɛɛ ba wona di bole Korowii nɛɔ?

Job Tɔn 9:28

N weweele bwa ta, n dɛ ɔmɛ, n jemɔ kɛ Korowii ɛɛ pa mɛ bolchɔɡee.

Job Tɔn 9:29

Dɛ n di bolchɔɡe aa, a chɛ kɛŋɔ ń koh ta pɛɛ ja aa?

Yela 130:3

Dɛ he fe chwerɛ nɛn wechɔɡa waa dɛ ɛ dɛɛ bil aa, umee dɛ́ fe leɔ?

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 17:20

Nɛnchɔɡe waa kpɔ waa dɛɛ perɛ, aa andɛɛɡa dɔ, ɡɛɛ nɛn o nyondoŋe aa bar o nyu la ɛɛ na wa.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Amanesoma Luk Aa Chwera Tɔn 10:29

Dɛ Tɔnjereme la dɛ nyin kɛ ó baɡle kɛ o te dɛ ɛ waa Yeesu aa bɔɔra la bwa, dɛ ŋɔ Yeesu be ŋɔ, “Umee n dɔŋ ɔ?”

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.