Job Tɔn 7:21 - mzwDBL

²¹ Ɛrɛɛ haa wola n wechɔɡa kpɔe kɛ mɛ, dɛ ɡel waa maa koni a ta la taɔ? Maa biɡri chɔ n banɔn ta, hɛɛ dɛɛ nyin n bɔree, kɛ dɛ n toole.”

Job Tɔn 7:21 ပူးပေါင်းရင်းမြစ်များ

2 Samoɛl 24:10

Kooro Devid aa kure laa tena la tonɛ la, o liire ɛo anebɛlbwa asɛ o ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

Job Tɔn 10:14

Dɛ he dɛ nyiŋi kɛ n fee ɛ wechɔɡa, ásɛ he fe bɛ kpɔ kɛ mɛ.

Job Tɔn 10:9

Lii kɛŋɔ choh nee he ma mɛ, hɛɛ berɔ chɔɡ mɛ ń berɛ teera aa?

Job Tɔn 13:19

Nomɛl lole n ne o won cheme n waa nɔ ta naa? Nɛn lole ɡɛ naa, n fe ɛɛ heloo dɛ́ sewɛ.

Job Tɔn 14:10

Kɛ dɛ nɛn te sewaa, dɛ a tonɔ, o sewaa, dɛ lee o dɔɔ jaɔ?

Job Tɔn 17:14

Ásɛ n ŋɔ lalbɔɔ be ŋɔ, ‘N mɛɛ hen,’ dɛ́ ŋɔ dudule ɡe be ŋɔ, ‘Heyaa n nya ne n nimambii.’

Job Tɔn 20:8

Hɛɛ na baa fini, kere dɛ ba toole kpa kɛŋɔ deera ken, kɛŋɔ wepila haa naa jwaana, haa wola an na kpa la.

Job Tɔn 27:19

Ba dɛ chɔ kɛ kondɔɔhna, kɛ baa ɡɛɛ ka, ba ne jara dɛ a bwa le ba nɔn ta.

Job Tɔn 3:13

Dɛ n fe sewɔ ɡɛ saŋ aa, n fe chɔ deŋnesɔɔhna ta, dɛɛ onɛ,

Job Tɔn 33:9

‘N waa toɡrɔ, wechɔɡa bɛlbwa toole n nɛ, n do kaih, wobɛlbwa toole n nɛ.

Job Tɔn 7:8

Taraken haa na mɛ nɔ, haa men na kpa, hɛɛ baa nyin n bɔree, dɛ n toole.

Job Tɔn 8:1

Bildad waa le Su la chaŋe Job ŋɔ,

Job Tɔn 9:28

N weweele bwa ta, n dɛ ɔmɛ, n jemɔ kɛ Korowii ɛɛ pa mɛ bolchɔɡee.

Yela 103:15

Kɛ nɛwɛnyina bwa do kɛ kpɔɡa, ba mkpa ɡe do kɛŋɔ kpɔɡa fee, kpɔɡa dɛ sewɛ a fee ɡe ɛɛ lee,

Yela 37:36

kɛ a ta biɡre bɛlbwa, o den sewɛ, n ɡaaɡe o bɔr, n ta on nae.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Aesaya 64:9

Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

1 Jɔn 1:9

Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.

1 Jɔn 3:5

He jemɔ kɛŋɔ Yeesu Kristo ba harɛ nɔ ta, ásɛ dɛ ba laa wechɔɡa kpɔ, dɛ́ tɔ a ŋwɛnɛ. O te, dɛ wechɔɡa toole o nɛ.