Job Tɔn 7:2 - mzwDBL

² A do kɛŋɔ yom aa nyin chunchule dɛɛ onɛ, kɛɛ paa te aa dɛ kpa o kembɔr la.

Job Tɔn 7:2 ပူးပေါင်းရင်းမြစ်များ

Mumpar 34:8

Belaa Kooro Hamɔ ŋɔ Jekɔb be ŋɔ, “N bie Sɛkem dɛ nyin he bie Daena. N poori, kpɔɔ tɛ mɛ n tɛo ó mo.

Job Tɔn 7:1

Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

Job Tɔn 7:3

Gɛɛ mɛɛ so korobie bɛlbwa pɛɛpɛɛ, jwaana bɛlbwaa mɛɛ na wa.

Yela 119:131

N pɛla lawɛ he Mmarare kohona, n sie beɡrɔ kɛ ń jemɛ waa aa dɛ baɡle.

Yela 143:6

N ɡɔɔ nɔɔra dɛ wi dɛɛ noe, n bambile lawɛ kɛŋɔ harɛ hole aa hiah nee ken.

Jeremia 6:4

Baa bol dɔŋa bee ŋɔ, “Hé ɡel ya kpɔ ya te dɛ́ ka yo Jerusalam! Hé ir, webaŋaa yaa ba laŋa ka yo. Akwe, wee joɔ tonɛ, saŋ kaalɔ bɔr kwaraa dɛ ba bira.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Jona 4:6

Belaa Korowii ɡel juɡ bɛl o papooni aa paɡa le, dɛ tɔ Jona nɛɛ dɛ tɛo chunchule, asɛ o bwara sɔɔhno kohona. Aa ba ɡɛ la, o sie lɛo.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Mmarare 24:15

Tɔpebir toma waa ɛ tɛɛ la, bɔɔ kem dɛ bɛ ɡel wee jo a ta, dɛkalkɛŋɔ a hiaoh, a taa o sie dawɛ. Dɛ he ta on tɛɛ yaa, wɛɛ wiu no Korowii ta he nɛ, ásɛ a ɛ wechɔɡa tɛɛ.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.