Job Tɔn 7:16 - mzwDBL

¹⁶ N soɡa bini pe mɛ, maa nyin kɛ n so le dɛɛ la. Gel mɛ, n soɡa ta mun dɔe.

Job Tɔn 7:16 ပူးပေါင်းရင်းမြစ်များ

Mumpar 27:46

Belaa Rebɛka ŋɔ Aesek be ŋɔ, “N sie aa Hiti bitoli nɔ nɛɛ lɛ. N kii ba kɔkɔkɔ. Dɛ Jekɔb ŋɔ wɛɛ mo ba bini bɛlee yaa, mɛɛ sewɔɔ hɛo.”

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

Job Tɔn 10:1

Job berɔ bol Korowii be ŋɔ, “N soɡa bini pe mɛ, mɛɛ bol waa maa wola ɔmɛ. No n tebinichɔɡ waa nɔ.

Job Tɔn 10:20

N tɔpera aa kaa ta tama kae yaa? Gel mɛ n so dɛ́ lɛ n sie tama,

Job Tɔn 14:6

Laa sie kpɔ o nɛɛ dɛ́ ta o waa tɛo, dɛ́ ɡel o ɛ o toma ka tel kɛŋɔ waa tonɛ dɛ́ onɛ kɛŋɔ paate.

Job Tɔn 6:9

kɛŋɔ wɛɛ sɛoh ba kpo mɛ, ásɛ dɛ teŋe me mkpa ta.

Job Tɔn 7:15

dɛ́ ɡel n pɛla lawɛ kɛŋɔ baa hamɛ n lobi n sewɛ dɛ ɡwaa kɛ aa ka n hoɡa ɡbo nɔ.

Job Tɔn 7:7

N Naa Korowii, bɛ soh kɛŋɔ me mkpa ka kerabeŋkpoŋ hweera, silɛɛ toole n soɡa bini kpa.

Job Tɔn 9:21

N waa toɡrɔ te, kɛ n waane laa wobɛlbwa aa ba n nɛ. N soɡa bini pe mɛ.

Yela 144:4

Ba do kɛ nyoa peu, ba tɔpera do kɛ lileo ken, tama dɛ ba nyoɡrɔ.

Yela 39:10

Bɛ n deŋne tɛr kpa! He deŋnetɛra la ɡwaa n nɛ.

Yela 39:13

Laa sie kpɔ n nɛ, ásɛ n sie berɛ lɛ ja, mɔɔ n sewɛ le harɛ nɔ ta.”

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

Yela 78:33

Anomanta, o ɡelɔ ba teŋe sewɛ kɛŋɔ peu aa taa ba kaa ken, dɛ piɡri kpɔ wekpeɡa ba ta ba nɛ.

Yela 78:39

O liiro kɛŋɔ ba ɛ nɛwɛnyina baa dɛ ba wona sewɛ, dɛ do kɛŋɔ peu aa taa baa kaa ken.

Wejereme 2:17

A ɡelɔ n ta silɛɛ bɛlbwa n soɡa bini dɔe kpa, dɛkalkɛ wenaale ɡboo a kpɔ ba ta n nɛ. A bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Jeremia 8:3

Ásɛ nyubinikpeɡ tena baa ka dɛ́ so harɛ la ta la, banɔ la men Korowii aa lɔ ba peɡre ba so bobɛla ɛɛ dɛɛ nyinu kɛŋɔ, ba fe serewe ɡwaa kɛ ba taa soɡe le. Men Nemenɛ Korowiirii bola.”

Jona 4:3

N Naa Korowii, n poori den kpo mɛ. N sewɔ bɔ n be kɛŋɔ maa soɡe le.”

Jona 4:8

Wee aa baa baŋɛ la, Korowii ɡelɔ peuwɔb bɛl ta le wee leebɔr, wee ɡe do nyɛɡre dɛɛ lɔ Jona nɛɛ kohona, o fe ɛɛ ba sewa dɛ ŋɔ, “N sewɔ bɔ kɛŋɔ maa soɡe le.”