Job Tɔn 7:1 - mzwDBL

¹ Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

Job Tɔn 7:1 ပူးပေါင်းရင်းမြစ်များ

Job Tɔn 10:17

Saŋ bɛlbwaa he kpɔ wefala dɛɛ dawɛ n nɛ, he bandia teŋɛ dɛɛ ɡwaa n nɛ, dɛ na vɔrɔwe wefala dɛ́ ba yoo mɛ.

Job Tɔn 14:1

Job berɔ ŋɔ, “Ba lolɛ nɛn aa, o tɔpera aa kanɛ, a lɔ tamaa ken, wenaale ɡe ɡboo a bwa.

Job Tɔn 5:7

Ba lolɛ nɛn aa, dɛ o ne waa, kɛŋɔ nihɛm yon chuɡri dɛɛ kaa nyundua la.

Job Tɔn 7:2

A do kɛŋɔ yom aa nyin chunchule dɛɛ onɛ, kɛɛ paa te aa dɛ kpa o kembɔr la.

Yela 39:4

“N Naa Korowii, chaɡ mɛ saŋ maa so ka tel, ne n tɔpera aa ka n sie. Aa biɡri dɛ n sewɔ.

Wejereme 8:8

Nomɛlbwa ta kpeɡri dɔe o doma nɛ, nomɛlbwa aa jemɛ tɔpere waa dɛ ba sewa. Gɛ baa wola won lawɛ nɛn le laa ta la, ɡɛɛ wechɔɡa aa wola nɛra baa dɛ ɛ wechɔɡa bini le.

Aesaya 16:14

Taraken Korowii berɔ ŋɔ, “Gɛ paa te yon dɛɛ do o tɔpere la, ɡɛɛ Moab tena ɡe tɔpere do. Bonɔ bene atoro Moab kondɔɔh bwa dɛ́ ba chɔɡa ó di ncho. Nɛn damanta baa lɔ o ta bwa, tamaa kenii dɛɛ ba kae, baa ɡwɛɡroo.”

Aesaya 21:16

Korowii berɔ ŋɔ n be ŋɔ, “Gɛ paadii yon jemɛ kɛŋɔ benanyoa wɛɛ ba o toma tona la, ɡɛɛ Keda tena jirima bwa ɛɛ ba tona benanyoa.

Aesaya 38:5

ó berɛ, dɛ́ ka ŋɔ Kooro Hɛsɛkea be kɛŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ kpɔ bene fi dɛ anuee ja he mkpa ta.

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Lewi Dea Tena 25:50

O ne naate waa yawɔ la kure saŋ waa yoɡ o te tɛo dɛ ka tel bodia benanyoa la ta. A chɛ kɛŋɔ ó bɔɔ ɡɛ haa kpɔ nɛn o ɛ toma tɛɛ bene waa ɛ toma, he yon bɔɔ kem la.

Mmarare 15:18

Bɛ ɡel á do kpeɡri tɛ heyaa kɛ haa dɛ ta he yoma ŋwɛnɛ ba kpɔ ba te kaa. Dɛkalkɛŋɔ ba toma baa ɛa tɛ heyaa bene anumɛl la do kɛŋɔ paa tena banɛ toma. Korowii haa dɛ tomɔ nɔ ɛɛ swee andɛɛɡaa tɛ heyaa he wobɛlbwa haa dɛ ɛ la ta.”