Job Tɔn 6:27 - mzwDBL

²⁷ Hɛɛ won ta bie bilalbii waa kwara! Dɛ yoɡ he daamanar dɛ́ dɔ suuɡa.

Job Tɔn 6:27 ပူးပေါင်းရင်းမြစ်များ

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.

Joel 3:3

Ba ta bie n nɛra nɛ, dɛ́ jemɛ nɛra baa dɔ bá ɛ ba yoma, ba yoɡ ba bibaala ne bihaahna, dɛ kpɔ ba suuɡa bɔ hanjwamanere ne sen kem.

Yela 7:15

Ba nafuɡere baa kwia la, ba ɡbaɡbaa dɛ́ le a ta, á laɡ ba.

Job Tɔn 24:9

Ba lɛ bilalbie o taa dɛ ɔr le o nya be, dɛ lɛ nyaa bie ka cheɡ awɔba.

Job Tɔn 24:3

Ba dɛ ŋwɛ bilalbie keeɡo, dɛ́ kpɔ suuɡa kemɛ luhaah, dɛ́ lɛ o nabal cheɡ awɔba.

Job Tɔn 22:9

He doŋi luhaahna ba kaa nɔŋɡbala ne, dɛ fiiɡi bilalbii ɡe.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Jeremia 18:22

Gel ba dɔma piɡri lɔ ba tɔ ba nɛ, dɛ́ pa ba laala, ásɛ ɔmee laɡ ba baa dooɡe lɔŋɔre, dɛkalkɛ ba kwi nafuɡe dɛ sɔh har mɛ bela, dɛɛ nyin mɛ dɛ́ lawɛ.

Jeremia 18:20

A chɛ kɛ bá kpɔ wechɔɡa bɔ wedɛɛɡa kem aa? Kɛ ba kwi nafuɡe dɛɛ nyin mɛ dɛ́ lawɛ. Lii kɛŋɔ n fa cheɡɛ he sie, dɛ bol ba waa tɛɛ ba ŋɔ, hé laa he bandia kpɔ ba nɛ.

Yela 82:3

Hé bol nyaara ne bilalbii waa dɛɛ tɛɛ ba, dɛ bɛ nɛŋɡwɛɡra ne nɛra, baa wola nɛra dɔe bá cha ba pere dɛɛ ta.

Yela 57:6

N dɔma haɡre bela, dɛ́ laɡ mɛ, suna ɡboo mɛɛ di. Ba kwi nafuɡe n ŋwɛnɛ ta, dɛ́ fee laɡ mɛ, kɛ ba ɡbaɡba berɔ le o bini.

Job Tɔn 31:21

kɛɛ dɛ n aah bilalbie dɛ fiiɡu, jema maa jema kɛŋɔ mɛɛ di bole kɔɔto la waa yaa,

Job Tɔn 31:17

n ɡbosoo kpɔ n kondikwa, n ta bilalbii ane tɛɛ,

Job Tɔn 29:12

lɛɛ maa dɛ lɛ nyaara baa wia dɛɛ nyin nɛra bá cha ba la wa, ne bilalbii baa wola nomɛlbwa dɔe ó lɛɛ ba.

Kaala 22:21

Hɛ́ɛ berɛ nɛŋhɔɔh hɔhɔrɔwa doe kɛɛ dɛɛ fiiɡu, dɛkalkɛ he ɡe fa ɛ hɔɔhra Ijipt harɛ ta ka.