Job Tɔn 6:24 - mzwDBL

²⁴ A wer, hé baɡ mɛ n wechɔɡa maa ɛa, mɛɛ tɔ nyoa dɛ́ no he be.

Job Tɔn 6:24 ပူးပေါင်းရင်းမြစ်များ

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

Sɛɡla 9:9

Hé dɛ ja wejereme aa, a ɡelɔ wɛɛ jemɛ waa kohona. Anɔ la bɛlbwa haa bol nɛn o wa aa toɡra be la, a dɛ ja o wejema ta.

Job Tɔn 10:2

N Naa Korowii, Bɛ men bolchɔɡe pa, ɡel ń jemɛ waa aa bala n ne he dɔ.

Yela 32:8

Korowii ŋɔ, “Mɛɛ baɡle ŋwɛnɛ aa chɛ kɛ he kpɔ o ta, mɛɛ bol waa baɡle, dɛ́ kpɔ n nɔn tɔ he nɛ.

Yela 19:12

Umee dɛ́ won jemɛ o ɡbaɡba wechɔɡa waa ɛaɔ? N Naa Korowii, lɛɛ mɛ le wechɔɡa maa wola jemɛ dɛ ɛ la ta.

Job Tɔn 34:32

Chaɡ mɛ waa maa wola an nae, dɛ n ɛ wechɔɡa aa, maa an ɛ kpa.’

Job Tɔn 33:1

Elihu berɔ ŋɔ, “Job, taraken dɛɛ no n be, cheɡ deŋne no wobɛlbwa maa dɛ ba bola.

Job Tɔn 5:27

Job, ya ɡbabir nyiŋi ɡɛ waa nɔ, dɛ na kɛŋɔ a ɛ kasinteŋ. Anomanta, kpɔ dɛ ɛ ɡɛ tenten.”

Sɛɡla 25:12

Nɛn waa dɛ no nɛn waa jemɛ waa wejaala la, a ɡwaa kwaa baa kpɔ suuɡaswɛm tenten ɛa.

Job Tɔn 32:11

N tɔ nyoa he bol wa, dɛ no waa haa baɡla, dɛ he dɛ nyin waa dɛ bol,

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.

Job Tɔn 6:23

Kɛɛ he lɛɛ mɛ le n dɔma nɔn ta, kɛɛ dɛ cha mɛ le nɛn waa dɔɔ mɛ, o nyu bini do kpeɡri nɔn ta nɔ?

Job Tɔn 6:25

Kasinteŋ dii dɛ we, kɛ waa haa dɛ bol nɔ ta mun dɔe.

Job Tɔn 13:23

Keraŋwɛnɛɛ n ɛ wechɔɡa dɛ koni waa ta nɔ? Gel ń jemɛ waa maa koni a ta.