Job Tɔn 5:22 - mzwDBL

²² Lɔr ne wekpeɡa dɛ ba naa, hɛɛ soo dɛɛ mamɛ, haa kpɔɡ bini olaa ɔmɛ.

Job Tɔn 5:22 ပူးပေါင်းရင်းမြစ်များ

Ɛsekeɛl 34:25

N ne baa fɔwɛ deŋnesɔɔhna fɔwee, dɛ́ le kpɔɡ bini olchɔɡa ne harɛ la ta, ásɛ n peera la do pua kpɔɡbaah ta, dɛ́ chɔ kɔne bini deŋnesɔɔhna ta.

Aesaya 35:9

Nyujentena aa belaa do, kpɔɡ bini olchɔɡe bɛlbwa aa ŋwɛnɛ la taa kpɔ. Nɛra Korowii aa lɛɛ ba la ɡbosoo dɛɛ ba o ta kpɔe.

Yela 91:13

Hɛɛ tiɡri nyujentena ne harɛkwaare nɛɛ, nyujentena aa ɔma ne domkpuli nɛɛ.

Hosia 2:18

Awola tɔpere la, n ne kpɔɡ bini ola ne jumbii, ne kwaa aa dɛ tuuɡi tea ta dɛ anɔ la aa dɛ huuh ɛɛ fɔwɛ fɔwee, ásɛ a bɛ n nɛra wobɛlbwa ɛ. Mɛɛ le laa ne dɔmkwaa kɛŋɔ, to ne hɛma dɛ tokobie bwa nee harɛ la taa, ásɛ bɛlbwa dɔ deŋnesɔɔhna harɛ la ta.

Aesaya 65:25

Gboli ne pebiiri ɛɛ pɛ bobeŋkpoŋii dɛɛ di, nyujentena chwe kpɔɡa kɛŋɔ nae ken, harɛkon ɡe, teeraa wɛɛ ba dii. A bɛlbwa aa kwaa chɔɡ, aa nɛra ɡee kpo n bwejen waa do ɡoroŋ Saayɔn ta kpa.” Korowiirii bola.

2 Koranar 19:21

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Job Tɔn 8:21

Wɛɛ ɡeloo he sie lɛ he mamɛ, dɛ́ hɛɡre dɛɛ moo.

Yela 91:6

kɛɛ weechɔɡa aa dɛ ba jwaana, kɛɛ weela aa dɛ kpo webaŋa.